Туркиянинг Baykar компанияси тез орада Украинага «ҳаво — ҳаво» синфидаги ракеталар билан жиҳозланган ва камикадзе дронларга қарши курашишга қодир бўлган учувчисиз учар қурилмаларни етказиб беришни режалаштирмоқда. Бу ҳақда компания бош директори Халук Байражтар Deutsche Прессе-Агентур агентлигига маълум қилган.
«Тез орада бизнинг Bayraktar ТB2 ва Bayraktar Акıнcı дронларимиз ‘ҳаво — ҳавў синфидаги ракеталар билан жиҳозланади, улар нафақат учувчисиз учар қурилмаларни, балки самолётларни ҳам уриб тушириши мумкин… биз синовлар ўтказяпмиз», — деди у.
СAHA Эхпо кўргазмаси чоғида Туркиянинг ракеталар ишлаб чиқарувчи Рокетсан компанияси ва Bayraktar ўртасида Сунгур зенит ракетасини дронлар билан курашиш учун интеграция қилиш ҳақида шартнома тузилган.
«Сунгур синовдан ўтган ўқ, айниқса, вертолёт ва учувчисиз учар қурилмалар каби ҳаракатланувчи нишонларга қарши. Унинг ‘ҳаво — ҳавў синфидаги ракета сифатида дронларимизда қўлланилиши ўйин қоидаларини ўзгартириб юборади», — деди Рокетсан бош директори Мурат Икинчи.
Bayraktar ва Украина ҳамкорлиги
Туркиянинг Bayraktar ТB2 зарба берувчи учувчисиз учар қурилмалар ишлаб чиқаришга ихтисослашган Baykar компанияси Украинада ўз бўлинмасини очди ва ушбу мамлакатда завод қуришга тайёрланмоқда. Украинада бундай завод икки йил ичида қуриб битказилиши маълум қилинди.19 июль куни Украина Вазирлар маҳкамаси вакили Тарас Мелничук мамлакат ҳукумати Туркия билан юқори технологиялар, авиация ва коинот соҳаларидаги ҳамкорлик ҳақидаги келишувни ратификация қилиш тўғрисидаги қонун лойиҳасини маъқуллаганини айтганди, у Украинада Туркиянинг Bayraktar зарба берувчи учувчисиз учар қурилмаларини ишлаб чиқариш ва уларга хизмат кўрсатиш бўйича завод қурилишини бошлаш имкониятини бериши маълум қилинганди.
2021 йил январида СAHA ЭХПО мудофаа саноати маҳсулотлари кўргазмасида Baykar ва Украинанинг «Ивченко прогресс» конструктор бюроси янги МУИС учувчисиз учар қурилмалар учун двигателлар етказиб бериш бўйича шартнома имзолаганди.
Кейинроқ Bloomberg манбалари Украина Туркиядан олтитадан ортиқ дронлар сотиб олганини маълум қилди. Яна камида 20 та дрон учун буюртма ишлаб чиқиш босқичида турибди.
Аввалроқ Украина президенти Владимир Зеленский Bayraktar учувчисиз учар қурилмалар ишлаб чиқарувчи компания раҳбари Халук Bayraktarни мукофот билан тақдирлаган эди.
Эрон дронлари атрофидаги можаро
Россияга камикадзе дронларни Эрон етказиб бераётгани ҳақида АҚШ ва Европа мамлакатлари ҳукуматлари гапирганди. Бу ҳақда Америка ОАВлари ҳам ёзганди. Хусусан, The Washington Post манбаларига кўра, Теҳрон Москвага «ўнлаб» Mohajer-6 ва кўп сонли Shahed-136 учувчисиз учар қурилмаларини тақдим этмоқчи бўлган. 20 октябрь куни Евроиттифоқ Эроннинг дрон ишлаб чиқарувчи Shahed компаниясига қарши санкциялар киритди.Россиянинг БМТдаги миссияси Ғарб мамлакатлари маълумотларини дезинформация кампанияси ҳамда Москва ва Теҳронга босим ўтказиш учун тўқиб чиқарилган баҳона деб атади. Эроннинг БМТдаги доимий вакили Амид Саид Ираваний ҳам дронлар етказиб берилаётгани ҳақидаги айбловлар асоссиз эканини айтганди.
Изоҳ (0)