Туркия энди мамлакат миллий хавфсизлигига оид қарорлар қабул қилишда ҳеч кимдан рухсат сўрамайди ва бошқаларнинг фикри билан қизиқмайди. Бу ҳақда Туркия президенти Ражаб Тоййиб Эрдўғон маълум қилди.
Унинг таъкидлашича, Туркия мамлакати дунёдаги энг йирик дрон ишлаб чиқарувчи ҳисобланади.
“Илгари бизни қурол билан таъминлаганлар биз отган ўқлар сонини санаб, вақти-вақти билан ҳисобот талаб қилишарди. Терроризмга қарши курашда доимо тўсиқларга дуч келдик. Ҳозир ўзимиз ишлаб чиқарган қуроллар ёрдамида барча муаммоларни енгиб ўтамиз. Миллий хавфсизлигимиз билан боғлиқ қадамларда биз энди ҳеч кимдан рухсат сўрамаймиз ва бошқаларнинг фикри билан қизиқмаймиз”, деди Эрдўғон.
Унинг сўзларига кўра, Туркия бу билан тўхтаб қолмайди, турли соҳаларда “дўстларда ишонч, душманда қўрқув уйғотадиган” кучга эга бўлиш учун иш олиб боради.
Изоҳ (0)