Туркия ва Америка учувчисиз учар қурилмалари Россия ҳаво ҳужумига қарши мудофаа тизимларига нисбатан самарасиз бўлгани туфайли, Украина қуролли кучлари улардан камроқ фойдалана бошлади, деб ёзади «РБК». Бу ҳақда Business Insider украиналик ҳарбий хизматчиалр ва экспертларга таяниб хабар берган.
Нашр суҳбатлашган мутахассислар фикрича, дронлар самарали эмас, чунки Россиянинг радиоэлектрон кураш тизимлари ва ҳаво ҳужумига қарши мудофаа тизимлари уларни тезкорлик билан аниқлаб, уриб туширади.
Украина жанговар ҳаракатлар бораётган ҳудудларда Американинг Switchblade ва Phoenix Ghost дронларидан фойдаланади, портал уларнинг ҳар бирини бир неча минг долларга баҳоламоқда. Шунингдек, Вашингтон Украина ҳукуматига Puma учувчисиз учар қурилмаларини ҳам бермоқчи эди. Туркия эса Киевга Bayraktar ТB2 дронларини етказиб бермоқда, уларнинг нархи 1—2 миллион доллар оралиғида.
Бундан ташқари, АҚШ Украинага М!-1C Грэй Eagle разведка-ҳужум дронларини юбормоқчи экани хабар берилганди. Портал ҳисоб-китобларига кўра, уларнинг қиймати 10 миллион долларга тенг. Унинг маълумотларига кўра, Киев АҚШ ва иттифоқчиларидан Украина ҳарбийларига дронлар ўрнига замонавий қирувчиларни етказиб беришни талаб қилмоқда.
Россиянинг Украина билан чегарадош ҳудудлари губернаторлари учувчисиз учар қурилмалар уриб туширилгани ҳақида мунтазам хабар бериб туради. Россиянинг радиоэлектрон кураш тизимлари оператор ва дрон ўртасидаги бошқарув ва маълумотлар узатиш каналларини, шунингдек, сунъий йўлдош навигациясини тўсиб қўйиш орқали учувчисиз учар қурилмалар билан курашади.
Изоҳ (0)