Украина Bayraktar Akinji номи билан машҳур Bayraktar дронларининг такомиллаштирилган версиясини олиши мумкин. Бу ҳақда Туркиянинг Baykar Defence мудофаа компанияси раҳбари Ҳалук Байрактарга таяниб, “РБК” хабар берди.
Бу турдаги дронлар аллақачон Туркия, Покистон ва Ливия армиясига хизмат кўрсатмоқда.
“Bayraktar Akinji’га келсак, кўриб чиқилаётган масала”, — деди Ҳалук Байрактар.
Унинг таъкидлашича, завод ишчилари кечаю кундуз Украина учун дронлар йиғади ва қурилмалар жанг майдонида фаол фойдаланилади. Украиналик ҳарбийлар компания жараёнларидан хабардор.
Bayraktar Akinji қанотли ракеталарни учиришга қодир Туркиянинг жанговар дрони. Унинг узунлиги 12,2 метр, баландлиги 4,1 метр, қанотлари кенглиги 20 метрни ташкил қилади. Юк кўтариш — 1350 килограмм. Максимал парвоз давомийлиги 24 соат, максимал баландлиги тахминан 12 минг метр.
Дрон 8 дан 100 километргача уча оладиган “ҳаво-ҳаво”, шунингдек, “ҳаво-ер” ракеталарини учира олади.
Изоҳ (0)