Туркияда Bayraktar Kizilelma дронларини ишлаб чиқариш 2023 йил охиригача йўлга қўйилади. Бу ҳақда мамлакат президенти Ражаб Тоййиб Эрдўғон маълум қилди.
«Мамлакатимизда Kizilelma қирувчи дронларининг серияли ишлаб чиқарилиши 2023 йил охирига қадар йўлга қўйилади», — деди Эрдўғон Адолат ва тараққиёт партияси йиғилишида.
Baykar Technologies YouTube каналига Kizilelma дронининг синови акс этган видео жойланган.
Туркияда реактив двигателли Bayraktar Kizilelma дрони 2022 йилнинг август ойида тақдим этилганди. Унинг яратувчилари дрон учиш-қўниш йўлаги қисқа бўлган кемалардан уча олиши, шунингдек, товушдан тез ҳаракатланиши мумкинлигини маълум қилган.
Август ойида Baykar Украинада ўз бўлимини яратди ва мамлакатда завод қуришга тайёргарлик кўраётганини эълон қилди. У ерда Bayraktar Aknc баланд ва узоқ масофага учувчи дронлар йиғилиши кутилмоқда. Компания раҳбари Ҳалук Байрактар завод қурилиши 2024 йилгача якунланиши кераклигини айтган.
Изоҳ (0)