Жорий йилнинг 16 ноябрь куни соат 00:10 ларда Яккасарой тумани Шота Руставелли кўчаси 50-уй қаршисида ҳайдовчи 2004 йилда туғилган Ш.М. Malibu русумли автомашинасини бошқариб кетаётиб, рул бошқарувини йўқотиб, йўл четидаги темир устунга урилди. Бу ҳақда Тошкент шаҳар ИББ Йўл ҳаракати хавфсизлиги бошқармаси хабар берди.
ЙТҲ натижасида автомашина ҳайдовчиси ва йўловчиси — 2004 йилда туғилган Д.С. жароҳат олган. Уларга шифокорлар томонидан биринчи тез тиббий ёрдам кўрсатилган.
Мазкур ҳолат юзасидан Тошкент шаҳар ИИББ ЙҲХБ масъул ходимлари томонидан суриштирув ишлари олиб борилмоқда.
11 ноябрь куни Тошкент шаҳрининг Миробод тумани Шаҳрисабз кўчаси, Санъат музейи қаршисида 1985 йилда туғилган А.Х. бошқарувида бўлган Кing Long автобуси ва 1992 йилда туғилган Н.Х. бошқарувида бўлган Lacetti автомашинаси тўқнашгани хабар қилинганди. Ҳодиса оқибатида Lacetti ҳайдовчиси тан жароҳати олган.
Аввалроқ Тошкентнинг Сергели, Юнусобод ва Мирзо Улуғбек туманларида содир бўлган ЙТҲлар оқибатида уч киши жароҳатланган эди.
Шунингдек, Самарқандда содир бўлган йўл-транспорт ҳодисаси оқибатида ҳайдовчи жароҳатлангани ҳақида хабар берилганди.
“Барча йўл ҳаракати қатнашчиларидан қоидаларга риоя қилишларини тезликни белгиланган меъёрлардан оширмасликларини сўраймиз”, дейилади хабарда.
Изоҳ (0)