Болаларга нисбатан оилавий зўравонлик содир этганлик учун жавобгарлик белгиланиши, Тошкентдаги ЙТҲда икки кишининг ҳалок бўлиши, Самарқанддаги уйда газ портлаши юзасидан газ таъминоти мансабдорларига жиноят иши қўзғатилиши — “Дарё” нашри бугун, 22 октябрда эълон қилинган Ўзбекистоннинг ижтимоий-сиёсий ҳаётига оид эътиборга молик хабарларни бир жойга тўплади.
2024 йилнинг 9 ойи мобайнида божхонада қанча қурол ва ўқ-дори ушлаб қолингани маълум қилинди
Божхона органлари томонидан 888 кг гиёҳвандлик воситалари, 406 минг дона психотроп ва кучли таъсир этувчи моддалар ушлаб қолинган.
Фарғонада икки автомобиль тўқнашишидан эр-хотин вафот этди
ЙТҲ айбдорига қандай жазо тайинлангани маълум қилинди.
Ўзбекистонда “яшил” электр станциялар томонидан қанча электр энергияси ишлаб чиқарилаётгани маълум қилинди
Республикада 9 та қуёш фотоэлектр станцияси ҳамда битта шамол электр станцияси “яшил” энергия ишлаб чиқармоқда.
Ўзбекистонда болаларга нисбатан оилавий зўравонлик содир этганлик учун жавобгарлик белгиланди
Айрим қонун ҳужжатларга ўзгартириш ва қўшимчалар киритилди.
Ўзбекистонда авиакомпаниялардан йўловчиларнинг 200 млн сўмга яқин пули ундириб берилди
Рақобат қўмитасига авиахизматлар бўйича 200 дан ортиқ истеъмолчидан мурожаатлар келиб тушган.
Тошкент вилоятидаги заправкаларда сифатсиз бензин сотилаётгани аниқланди
Уларнинг биржа савдоларида иштирок этиши вақтинча тўхтатилди.
Фарғонада судья блогерни очиқ суддан ҳайдаб чиқаргани айтилмоқда
Унда айтилишича, блогер фуқаролик низосига доир суд мажлиси жараёнини видеотасвирга олишни сўраб илтимоснома киритган.
Ўзбекистонда Lacetti, Cobalt, Nexia каби оммабоп автомобиллар нархлари сезиларли пасайди
Автомобильларнинг 2024 йилнинг июль сентябрь ойларидаги нархлари таҳлил қилинди.
Тошкентдаги ЙТҲда икки киши ҳалок бўлди
Lacetti ҳайдовчиси икки йўловчини уриб юбориб, ўзи ҳам автомобилда дарахтга бориб урилгач вафот этди.
“Доримас, бирорта шприц беряптимикан?”. “Док-1 Макс” сабаб боласи ногирон бўлиб қолган ота вазирни ёлғон гапиришда айбламоқда
“Ўша вазирдан сўранг-чи, доримас, бирорта шприц берганмикан? Вазир бундай ёлғон гапириб турса, ундан пастдагилардан нима кутайлик?”, дейди “Док-1 Макс” сиропи сабаб биринчи гуруҳ ногиронига айланган 5 ёшли Алибек Ўктамовнинг отаси Феруз Нуритдинов.
Самарқандда Ўзбекистон—Қозоғистон VI ҳудудлараро ҳамкорлик форуми ўтказилди
Форумда тўғридан тўғри алоқаларни ривожлантиришга, ўзаро манфаатли лойиҳаларни амалга оширишга ҳам қизиқиш жуда юқори экани таъкидланди.
Самарқанддаги уйлардан бирида газ портлаши оқибатида 4 киши вафот этди
Ҳолат юзасидан прокуратура томонидан терговга қадар текширув ҳаракатлари олиб борилмоқда.
Шавкат Мирзиёев BRICS мамлакатлари саммитида иштирок этади
Давлат раҳбари “BRICS плюс” форматидаги ялпи сессияда нутқ сўзлайди.
Самарқанддаги уйда газ портлаши юзасидан газ таъминоти мансабдорларига жиноят иши қўзғатилди
Ҳодиса оқибатида бир оиланинг 4 аъзоси вафот этганди.
Ўзбекистонга 2024 йилнинг тўққиз ойида 23,6 млрд доллар хорижий сармоя киритилди
Президент маҳаллийлаштириш, давлат-хусусий шерикликни ривожлантириш, хорижий инвестицияларни жалб қилиш масалалари бўйича йиғилиш ўтказди.
Изоҳ (0)