Жиззах вилояти, Пахтакор тумани, “Буюк ипак йўли” МФЙ ҳудудидан ўтувчи М-39 автомобиль йўлининг 957-километрида 26 октябрь куни соат 09:30 ларда ЙТҲ содир бўлди. Бу ҳақда Йўл ҳаракати хавфсизлиги хизмати хабар берди.
Маълум қилинишича, ҳайдовчи — 1986 йилда туғилган Э.Қ. бошқарувидаги Фаw русумли ҳамда ҳайдовчи — 1993 йилда туғилган А.Э. бошқарувидаги Howо А7 русумли юк автомобиллари иштирокида содир бўлган.
Ҳодиса натижасида тан жароҳати олган фуқаролар йўқ. Транспорт воситаларига техник шикаст етган.
Мазкур ҳолат юзасидан Жиззах вилояти ИИБ ЖХХ ЙҲХБ ходимлари томонидан суриштирув ҳаракатлари олиб борилмоқда.
Изоҳ (0)