Тошкент шаҳри, Учтепа тумани, Заргарлик—Ширин кўчалари кесишган чорраҳада 7 август куни соат 05:20 ларда ЙТҲ содир бўлди. Бу ҳақда Тошкент шаҳар ИИББ ЙҲХБ ахборот хизмати хабар берди.
Маълум қилинишича, ҳайдовчи (ҳайдовчилик ҳуқуқидан маҳрум қилинган) 2004 йилда туғилган Б.А. бошқарувидаги Malibu-2 ҳамда ҳайдовчи 1970 йилда туғилган Г.П. бошқарувидаги Nexia-1 автомашиналари тўқнашиши натижасида ЙТҲ содир бўлган.
Nexia-1 автомашинаси ҳайдовчиси чорраҳадан чапга қайрилиш вақтида асосий йўл бўйлаб ҳаракатланиб келаётган Malibu-2 автомашинасига йўл бермасдан тўқнашув содир этган.
ЙТҲ оқибатида Nexia-1 ҳайдовчиси ва Malibu-2 йўловчиси — 2004 йилда туғилган С.Р. тан жароҳати олган.
Ҳолат бўйича Тошкент шаҳар ИИББ ЙҲХБ масъул ходимлари томонидан суриштирув ҳаракатлари олиб борилмоқда.
Изоҳ (0)