Тошкент шаҳрининг Юнусобод туманида 7 ноябрь куни иккита ЙТҲ содир бўлди. Бу ҳақда Тошкент шаҳар ИИББ Йўл ҳаракати хавфсизлиги бошқармаси ахборот хизмати хабар берди.
Маълум қилинишича, 7 ноябрь куни соат 15:30 ларда Аҳмад Дониш кўчасида ҳайдовчи 2001 йилда туғилган Й.М. Nexia-3 автомашинасининг рул бошқарувини йўқотиши оқибатида йўлни ажратиб турувчи бетон тўсиққа урилиб, ағдарилиб кетган.
Ҳодиса оқибатида тан жароҳати олганлар йўқ.
Шунингдек, 7 ноябрь куни соат 10:30 ларда Алишер Навоий – Амир Темур кўчалари кесишган чорраҳада ҳайдовчи 1965 йилда туғилган Д.У. Traverse автомашинасининг рул бошқарувини йўқотиши оқибатида Моbiuz биноси қаршисида, йўлнинг қатнов қисми ўнг томонидаги темир панжарага урилган.
Йўл-транспорт ҳодисаси сабаб ҳайдовчи енгил тан-жароҳати билан ҳудудий шифохонага олиб кетилди.
Ҳолатлар юзасидан Тошкент шаҳар ИИББ Йўл ҳаракати хавфсизлиги бошқармаси масъул ходимлари томонидан ўрнатилган тартибда йўл-транспорт ҳодисаси расмийлаштирилган.
Изоҳ (0)