Тошкент шаҳрининг Юнусобод тумани, Осиё кўчасида 5 ноябрь куни соат 13:10 ларда ЙТҲ содир бўлди. Бу ҳақда Тошкент шаҳар ИИББ Йўл ҳаракати хавфсизлиги бошқармаси ахборот хизмати хабар берди.
Маълум қилинишича, ҳайдовчи 2000 йилда туғилган Б.Н. Matiz машинасини бошқариб кетаётиб, тартибга солинмаган пиёдалар ўтиш жойидан йўлни кесиб ўтаётган 1941 йилда туғилган пиёда Х.С.ни уриб юборган.
Йўл-транспорт ҳодисаси оқибатида пиёда тан жароҳати олган ва шифохонага ётқизилган.
Ҳолат юзасидан суриштирув ҳаракатлари олиб борилмоқда.
Аввалроқ Тошкентнинг Сергели, Юнусобод ва Мирзо Улуғбек туманларида содир бўлган ЙТҲлар оқибатида уч киши жароҳатланган эди.
Шунингдек, Самарқандда содир бўлган йўл-транспорт ҳодисаси оқибатида ҳайдовчи жароҳатлангани ҳақида хабар берилганди.
Изоҳ (0)