Тошкент шаҳар ИИББ Йўл ҳаракати хавфсизлиги бошқармаси Мирзо Улуғбек туманида содир бўлган йўл-транспорт ҳодисаси бўйича маълумот берди.
Қайд этилишича, 9 апрель куни соат 22:50 ларда Мирзо Улуғбек тумани Паркент кўчаси иккинчи даражали йўлида 21 ёшли ҳайдовчи Ш.Ф. Lacetti русумли автомашинасини бошқариб келаётиб рул бошқарувини йўқотган ва йўл иншоотига тўқнашиб, йўл транспорт ҳодисаси содир этган.
ЙТҲ натижасида тан жароҳати олганлар йўқ. Ҳолат юзасидан Тошкент шаҳар ИИББ ЙҲХБ масъул ходимлари томонидан суриштирув ҳаракатлари олиб борилмоқда.
Бундан олдин Тошкент шаҳар Шайхонтоҳур туманида икки автомашина иштирокида йўл-транспорт ҳодисаси содир бўлгани, Андижон вилояти Олтинкўл туманида Malibu ва Nexia тўқнашиб кетгани тўғрисида хабар берилганди.
Изоҳ (0)