Жаҳон соғлиқни сақлаш ташкилоти Покистонда мусодара қилинган сохта йўтал сиропидан огоҳлантирди. Препарат таркибидаги кўп миқдордаги этиленгликоль ўткир буйрак шикастланиши ва ўлимга олиб келади.
Покистон гиёҳванд моддаларни назорат қилиш бошқармаси (DPAR) январь ва март ойларида Dоw Chemical компаниясининг Таиланд, Германия ва Сингапурдаги шўба корхоналари томонидан ишлаб чиқарилган сироплар таркибида юқори миқдорда этиленгликоль бўлганини аниқлаган. DRAP таркибида пропиленгликоль бор йўталга қарши сироп партиясини текширувга жўнатган.
Намуналарда этиленгликоль контаминацияси 0,76-100 фоиз бўлган. Халқаро ишлаб чиқариш стандартларига кўра, у фақат 0,1 фоиздан паст бўлсагина, хавфсиз ҳисобланади. Ҳиндистон ва Индонезияда ишлаб чиқарилган, таркибида этиленгликоль юқори бўлган йўтал сироплари 2022 йил охиридан буён дунё бўйлаб 300 дан ортиқ боланинг ўлимига сабаб бўлган. Улар қаторида Ўзбекистонда “Док-1 Макс” сиропидан вафот этган 68 нафар бола ҳам бор, 16 нафар бола ногирон бўлиб қолган.
Индонезиядаги ҳолат юзасидан расмийлар етказиб берувчилардан бири этиленгликоль бўлган партияларига сохта Dоw Thailand ёрлиқлари қўйганини аниқлади. Мазкур партия фармацевтика учун дистрибюторга сотилган. Заҳарли моддаларни ўз ичига олган сироплар Dоw компанияси томонидан ишлаб чиқарилмаган ёки етказиб берилмаган.
DRAP томонидан қўлга киритилган партияларнинг бир нечтаси 2023 йилда ишлаб чиқарилган, ЖССТ ҳолат юзасидан дори ишлаб чиқарувчиларни етказиб берувчилар маҳсулотининг сифатини текширишга чақирган.
Ушбу огоҳлантиришда кўрсатилган пропиленгликоль материаллари қасддан ва фирибгарлик йўли билан нотўғри маркировка қилинган, — деди ЖССТ ва юклар бошқа мамлакатларга жўнатилган бўлиши мумкинлигини билдирди.
ЖССТ огоҳлантириши Танзания, Руанда, Нигерия, Кения, Жанубий Африкадаги дори-дармонни тартибга солувчилар Jonson&Jonson болалар учун йўтал сиропи партияларини қайтариб юборганидан сўнг эълон қилинди. Бунга Нигерия томонидан сироплар таркибида диэтиленгликолнинг юқори миқдори аниқлангани сабаб бўлди. Бенйлин Паэдиатриc сиропининг қайтариб олинган партияси Jonson&Jonson томонидан Жанубий Африкада 2021 йил май ойида ишлаб чиқарилган. Бренд ўтган йили J&J компаниясидан ажралиб чиққан, у ҳозирда Кеnvue компаниясига тегишли.
Изоҳ (0)