Покистонда ҳаво ифлослангани туфайли Лаҳор шаҳридаги бошланғич мактаблар бир ҳафтага ёпилди. Шаҳарда ҳаво сифати индекси ўтган дам олиш кунлари рекорд даражага етди. Бу ҳақда Associated Press хабар берди.
Ҳукумат ходимларнинг 50 фоизи уйдан ишлаши кераклигини айтди, чунки Лаҳорда дам олиш кунлари ҳаво сифати индекси 1000 дан ошди. Бу Покистон учун рекорд кўрсаткичдир. Октябрь ойида Лаҳорда ҳаво сифати ёмонлаша бошлаганидан бери заҳарли кулранг смола ўн минглаб одамларнинг, асосан, болалар ва кексаларнинг касалланишига сабаб бўлди.
Ҳукумат маълум ҳудудларда қурилиш ишларини тақиқлаб, тутун чиқарадиган транспорт воситалари эгаларини жаримага тортди. Панжоб атроф-муҳитни муҳофаза қилиш департаменти маълумотларига кўра, PM2,5 дисперс зарраларининг концентрацияси 450 га етган ва бу хавфли кўрсаткич ҳисобланади.
Изоҳ (0)