Журналист Беҳзодбек Аҳроров Instagram’даги саҳифаси орқали водийлик санъаткорларнинг Фарғона бўйлаб тўйлардаги “бирров” ва навбатчилик хизматларининг нархига аниқлик киритди.
“Овоз” лойиҳаси ғолиби Шоҳруҳмирзо Ғаниевнинг “бирров” хизмати 300, навбатчилик қилиб бериши эса 800 долларга баҳоланган.
“Мистер Қаҳа” тахаллуси билан ижод қиладиган хонанда Қаҳрамон Тўхтасинов “бирров” хизмати учун 400, никоҳнинг бошидан охиригача эса 700 доллар олади.
Муҳсинбек Мўминовнинг навбатчилиги 700, Яҳёбек Мўминовники 1 500 долларга баҳоланади.
Абдужалил Қўқонов Фарғонадаги тўй-у тантаналарга 500 долларга бориб беради, унинг навбатчилиги учун эса 1000 доллар тўлаш керак бўлади.
Тоҳир Маҳкамовнинг “бирров”и 700, навбатчилиги эса 2000 доллар этиб белгиланган.
Қиличбек Мадалиев 1000 долларга “бирров”, 2 минг долларга эса тўйнинг бошидан охиригача куйлайди.
Жалолиддин Аҳмадалиевнинг водий тўйларидаги “бирров” хизмати нархи 2500 доллар атрофида.
Отабек Муҳаммадзоҳиднинг 1 соат хизмат қилиб бериш нархи 2500 долларга баҳоланган.
Хуршид Расуловнинг 40 дақиқалик “бирров”и 1500 доллар, “дежур” хизмати эса 2500 долларни ташкил этади.
Изоҳ (0)