Зомин миллий табиат боғи ҳудудида 1—2 июнь кунлари Zaamin Ultra 2024 халқаро ултрамарафони бўлиб ўтди.
У Маданият ва санъатни ривожлантириш жамғармаси томонидан ташкиллаштирилган Самарканд Маратҳон хайрия югуриш мусобақалари туркумига дебоча ясаб берди. Бу Зомин миллий боғидаги учинчи пойгадир.
Пойгада 2100 дан ортиқ спортчи 20 га яқин мамлакатдан иштирок этди. Улар орасида АҚШ, Австралия, Буюк Британия, Ирландия, Малайзия, Россия, Қозоғистон, Туркия ва бошқа давлатлар бор.
Заамин Ултра 2024 йўлаги Зомин миллий табиат боғи ҳудуди бўйлаб ўтиб, 50К, 21К, 10К ва 2К.лик тўрт масофани ўз ичига олди.
- 50К масофада эркаклар ўртасида 04:12:35 натижа билан Нурзияд Бегалиев, аёллар ўртасида 05:56:05 натижа билан Олга Попова ғолиб бўлди.
- 21К масофада эркаклар ўртасида 01:35:53 натижа билан Артём Секачев, аёллар ўртасида 01:51:46 натижа билан Александра Черкас ғолиб бўлди.
- 10К масофада эркаклар ўртасида 0:53:46 натижа билан Бекзод Пардаев, аёллар ўртасида 0:59:48 натижа билан Александра Кузнецова ғолибликни қўлга киритди.
50К масофада бу йил рекорд ҳам янгиланди: Нурзияд Бегалиев масофани ўзидан аввалги чопқирга нисбатан 12 дақиқа тезроқ босиб ўтди. Мутлақ ҳисобдан ташқари ёш тоифалари бўйича ҳам ғолиблар тақдирланди.
“Бу йил биз яна бир бор турли мамлакатлардан минглаб келган спортчиларни бирлаштириб, уларга орзуларини рўёбга чиқариш ва дунёдаги энг қизиқарли баланд тоғ йўлакларидан бирида ўз иродаларини синаб кўриш имкониятини бердик. Жорий этилган янги тамойиллар қаторида биз табиатни, у мавжуд бўлиши лозим бўлган мусаффо шаклда қолдириш муҳим эканлигига масъулият билан ёндашиб, туркум экологик ташаббусларни, жумладан, “плоггинг”, яъни пластик стаканчалардан воз кечиш амалиёти ва бошқа тадбирларни ташкил этдик. Барчани навбатдаги пойгаларимизга қўшилишга таклиф этамиз – июнь ойининг охирида Бўстонлиқ туманида спорт фестивали бўлиб ўтади, сўнгра севимли тадбиримиз Бухородаги тунги пойга бўлади, Самарқанддаги марафон анъанавий равсиҳда туркум мусобақалар мавсумини якунлайди”, — Мирхан Сагитов, Самарканд Маратҳон” югуриш мусобақалари туркуми раҳбари.
Ташкилотчилар томонидан алоҳида эътибор атроф-муҳитни муҳофаза қилиш чора-тадбирларига қаратилди. Зоминнинг бетакрор манзараларини асраб-авайлаш ташаббуси доирасида пойга якунида “плоггинг” (қисқа масофаларга югуриш баробарида чиқиндиларни тўплаш) тадбири ўтказилди, шунингдек, бир марталик стаканчалардан фойдаланмасликка қарор қилинди.
-B32zrn9f.jpg)
Марра майдонида Заамин Ултра 2024 иштирокчилари учун медаллар топширилди. Бу йил медаллар дизайнида Зомин миллий боғининг бетакрор манзаралари акс эттирилди.
1 июнь пойга арафасида, Заамин Ултра 2024 ултрамарафонининг меҳмонлари ва иштирокчилари учун электрон мусиқа концерти бўлиб ўтди. Очиқ саҳнада минглаб томошабинлар қаршисида ДЖ Йўлдош, “ҚАRAҚООМ” гуруҳи чиқиш қилди.
Ушбу ултрамарафоннинг уч йиллиги шарафига ёпилиш маросими мушакбозлик билан якунланди.
Изоҳ (0)