Вояга етганингиз мультфильмларни яхши кўриб, томоша қилишни тўхтатишингизни англатмайди. Айрим мультфильмлар катталарни ҳам болаларча ўйлашга, мулоҳаза юритишга ундайди. “Интересно” нашри шу каби мультфильмлар ҳақида маълумот берди.
“Мери ва Макс”
Агар қачондир чин юракдан йиғламоқчи бўлсангиз, унда “Мери ва Макс” мультфильмини кўришга вақт ажратинг. Австралиялик аниматор Адам Эплиот томонидан яратилган мультфильм ўзининг унутилмас атмосферасига олиб киради ва жиддий мавзуларга тўхталади, бироқ шунга қарамай, унда ҳазилга бой саҳналар ҳам бор.
“Арвоҳлар олами” анимеси
Сиз анимени севишингиз ёки ёқтирмаслигингиз мумкин, бироқ Хаяо Миязакини севмаслик мумкин эмас. Ушбу мультфильмни томошабин оддий аниме сифатида қабул қилмайди, чунки унда ҳайратланарли саҳналар жуда кўп. Ажойиб сюжет, ҳайратланарли даражадаги сурат ва ақл бовар қилмайдиган майда нарсалар — буларнинг барчаси Тихиро исмли қизнинг ҳикоясига абадий ошиқ қилади.
“Денгиз қўшиғи”
Тарих ва мифология мотивлари билан бир вақтда оилавий қадриятлар мавзусига тегишли “Денгиз қўшиғи” мультфильмида инсон идроки учун ғайриоддий бўлган қаҳрамонлар ва сюжетли бурилишлар мавжуд.
“Қалъа: қалқон ва қилич билан”
Тарихий мавзуда фильм яратиш, унинг муваффаққиятли чиқиши умуман бошқа масала, бироқ айнан шу мавзуда яратилган яхши мультфильмлар бор. Смоленск қалъаси мудофааси ҳақида ҳикоя қилувчи ушбу ажойиб мультфильм ҳам томошабинни ўзига ром этади. У тарихий аниқликка даъво қилмайди, бироқ аниқ хотирадаги бўшлиқларни тўлдиради.
“Мартинко”
Мультфильм режиссёри бир вақтнинг ўзида Совет анимациясининг кўплаб машҳур лойиҳаларини тақдим этган ва “Мартинко” ҳам бундан мустасно эмас. Мультфильм қаҳрамонларининг ҳар бир сўзи, ҳар бир ҳаракати шунчаки қайта кўриб чиқишни ва яна истеҳзо билан жилмайишни уқтиради.
“Қаҳрамонлар шаҳри”
Ушбу футуристик мультфильм ҳам катталар, ҳам болалар учун бир хил даражада қизиқарли бўлади. Унда яқин роботик келажак ҳақида ҳикоя қилинади. Картинадаги дўмбоқ робот ҳар қандай инсонни мафтун этишга қодир.
“Ронал Варвар”
Агар “Варвар Koнан” фильмини кўрмаган бўлсангиз ҳам, “Узуклар ҳукмдори” картинасининг мухлиси бўлмасангиз ҳам, Diablo ёки Warcraf ўйнамаган бўлсангиз ҳам, Дания мультфильм ижодкорлари томонидан яратилган бу лойиҳани тушунасиз.
“Кулранг бўри ва қизил қалпоқча”
Бу комедик-мусиқий мультфильм 90 йилларнинг жўшқин руҳини мукаммал тарзда акс эттиради. Бош қаҳрамонлардан бири — Бўрига Армен Жигарханян овоз берган, бу овоз картинага янада жозиба бағишлаган.
“Кичкина шаҳзода”
Ушбу мультфильмни томоша қилишдан олдин уни билишингиз керак бўлган иккита нарса бор. Биринчидан, унда Кичкина шаҳзода ҳақида классик ҳикоя акс эттирилмаган, унда қизалоқ ва унинг онаси ролини ижро этган образ, шунингдек, уларнинг қўшниси кекса учувчи қаҳрамон бор. Иккинчидан, мультфильм замонавий тарзда ишланган бўлишига қарамай, ўз жозибасини умуман йўқотгани йўқ.
“Бошқотирма”
Зарядловчи психологик аксиомани тушунтириш учун ғайриоддий ёндашув қўлланилган жуда енгил ва таъсирли мультфильм, агар сиз индивидуал ҳис-туйғуларга эътибор бермасангиз, ҳатто улар энг ижобий ва ёқимли бўлмаса ҳам, бу эртами-кечми стресс ёки депрессияга олиб келади.
Изоҳ (0)