2024 йилда киноманларни машҳур фильмлар билан бир қаторда мультфильм ва анимелар премьераси ҳам кутиб турибди.
-q6xIoJLx.jpg)
“Oрион ва зулмат”
Франция, АҚШ.
Мультфильм, фантастика, комедия, детектив, саргузашт, оилавий.
Давомийлиги: 90 дақиқа.
Жаҳон премьераси: 2 февраль
Oрион исмли болакай ҳамма нарсадан қўрқади: қизлардан, жамоа олдидаги масъулиятдан, дарсда нотўғри жавоб беришдан. Айниқса, зулматдан. Бир куни Зулмат Oрионга уни саёҳатга олиб чиқиш орқали умуман қўрқинчли эмаслигини кўрсатиш учун келади.
“Кунг-фу панда 4”
АҚШ, Хитой.
Мультфильм, фантастика, жангари, комедия, саргузашт, оила.
Давомийлиги: 94 дақиқа.
Жаҳон премьераси: 8 март
Устоз Шифу Пони Аждаҳо жангчиси бўлишдан воз кечиб, Тинчлик водийсининг руҳий етакчиси бўлишга таклиф қилади. Аммо панда ўзининг ташқи қиёфасини ўзгартиришга ва бошқа кунг-фу усталарининг услубига тақлид қилишга қодир бўлган янги душман — Хамелеонни мағлуб этиш учун жанг қилиши керак.
“Гарфилд”
Буюк Британия, АҚШ.
Мультфильм, фантастика, комедия, саргузашт, оилавий.
Жаҳон премьераси: 24 май
Гарфилд тўсатдан отаси — кўча мушуги Вик билан учрашади. Қаҳрамонлар биргаликда саёҳатга чиқишади ва уларга Гарфилднинг ит дўсти Оди ҳамроҳлик қилади. Янги мультфильмда малла мушукка Крис Пратт овоз берган.
“Бошқотирма 2”
АҚШ.
Мультфильм, комедия, оилавий.
Жаҳон премьераси: 14 июнь
“Бошқотирма 2”ни Pixar’нинг бир қатор муваффақиятсиз лойиҳаларидан сўнг инқироздан чиқишга бўлган янги уриниши деса ҳам бўлади. Мультфильмда Райли катта бўлади ва унинг бошида қўшимча ҳис-туйғулар пайдо бўлади. Тизерда янги келган туйғу — апельсин ранг Хавотирни ҳам кўриш мумкин.
“Яхши бўлиш осонми 4”
АҚШ.
Мультфильм, комедия, саргузашт, оилавий.
Давомийлиги: 83 дақиқа.
Жаҳон премьераси: 3 июль.
“Яхши бўлиш осонми” мультфильмининг тўртинчи қисми ҳақида ҳали ҳеч нарса маълум эмас. Грю ва унинг ёрдамчилари, эҳтимол, яна бир бор ҳикоянинг марказида бўлишар. Фильм режиссёри Крис Рено. У “Яхши бўлиш осонми1, 2”, шунингдек, “Уй ҳайвонларининг сирли ҳаёти”нинг икки қисмига режиссёрлик қилган.
“Узуклар ҳукмдори”
АҚШ, Япония.
Аниме, мультфильм, фантастика, жангари.
Давомийлиги: 130 дақиқа.
Премьера: 13 декабрь
“Ёлғизлик синдроми” фильми режиссёри Кенжи Камияма “Узуклар ҳукмдори” фильмига асосланган анимега режиссёрлик қилади. Воқеалар Питер Жексон фильмларидаги воқеалардан бир неча асрлар олдин содир бўлади ва сюжетда Роҳаннинг афсонавий қироли Ҳелм Ҳаммерханд ҳақида ҳикоя қилинади.
“Муфаса: Қирол шер”
АҚШ.
Мультфильм, мусиқий, драма, саргузашт, оилавий.
Жаҳон премьераси: 20 декабрь.
“Муфаса: Қирол шер” оригинал ҳикоянинг олдинги қисмидир. Фильм воқеалари Муфасанинг болалиги ва Скар билан муносабатлари ҳақида тафсилотларни очиб беради. Мультфильм ё тўлақонли приквел бўлади ёки Симба ҳукмронлиги ва ёш Муфаса ҳаёти билан алмашиниб туради.
Изоҳ (0)