Макото Синкай — замонавий япон анимацион режиссёрларидан бири. Уни кўпинча “иккинчи Миязаки” деб аташади. Синкайнинг анимеларида тананинг алмашиб қолиши ҳақидаги мистик сюжетдан тортиб, севги ва пойабзал ҳақидаги оддий ҳикоягача тасвирланади.
“Сенинг исминг”
Япония, 2016 йил.
Аниме, мультфильм, фантастика, драма, мелодрама.
Давомийлиги: 110 дақиқа.
IMDb: 8.4.
Мицуҳа — Ҳида провинциясидаги кичик шаҳарчада яшайдиган қиз. Таке — токиолик йигит. Бир куни улар уйқуда эканликларида таналари алмашиб қолишини сезиб қолади. Бошқа бировнинг ҳаёти уларга ўз ҳаётидан кўра қизиқроқ кўринади: улар бир-бирига таассуротлари ҳақида қайдлар ёзиб қолдиради, Мицуҳа ҳатто Такага ҳамкасби билан яқинлашишга ёрдам беради. Аммо бир куни тўсатдан қаҳрамонлар ўртасидаги сирли алоқа бузилади, шундан сўнг йигит Мицуҳани топишга қарор қилади.
“Об-ҳаво болалари”
Япония, 2019 йил.
Аниме, мультфильм, мелодрама, фантастика.
Давомийлиги: 112 дақиқа.
IMDb: 7.5.
Ўрта мактаб ўқувчиси Ходака ўз шаҳрини тарк этиб, ёмғирли кунда Токиога қочиб кетади. Пойтахтда у молиявий қийинчиликларга дуч келади: ҳеч ким вояга етмаган йигитни ишга олишни хоҳламайди. Ходака деярли умидини узади, лекин бир куни McDonald’s’да кассир бўлиб ишлайдиган Хина унга ачиниб, овқат беради. Маълум бўлишича, қиз об-ҳавони бошқаришни билади — ёмғирни тўхтатиб, булутларни тарқата олади. Ходака унинг бу қобилиятидан фойдаланиб, пул ишлаш — масалан, тўйлар учун об-ҳавони яхшилаб бериш орқали даромад қилиш таклифини беради.
“Секундига 5 сантиметр”
Япония, 2007 йил.
Аниме, мультфильм, драма, мелодрама.
Давомийлиги: 63 дақиқа.
IMDb: 7.5.
Фильм Такаки Тоно ҳаётига оид учта қиссадан иборат бўлиб, 1995 йилдан 2008 йилгача бўлган даврни ўз ичига олади — Такаки биринчи муҳаббати Акаридан ажралган пайтдан бошлаб, кўп йиллар давомида қаҳрамонларнинг биринчи тасодифий учрашувигача.
“Секундига 5 сантиметр” сюжети йиллар ва масофалар орқали севган инсонини топиш ҳақида. Фильмда бош қаҳрамонларнинг тажрибасизликлари, ўз ўрнини топа олмаслик хавотирлари ўсмирларгагина таниш бўлган ҳис-туйғулар ёрдамида очиб берилади.
“Гўзал сўзлар боғи”
Япония, 2013 йил.
Аниме, мультфильм, мелодрама.
Давомийлиги: 46 дақиқа.
IMDb: 7.4.
15 ёшли Такао ҳеч кимникига ўхшамаган пойабзал яратишни орзу қилади. У келажакдаги маҳсулотларнинг эскизларини чизиш учун кўпинча дарсдан қочиб, паркка боради. Бир куни у боғда 27 ёшли Юкино билан танишиб қолади. Қаҳрамонлар шахсий тажрибалари билан ўртоқлашади ва бир-бирига ҳамдард бўлади. Кейинчалик маълум бўлишича, Юкино Такаонинг мактабида ўқитувчи бўлиб ишлайди.
“Гўзал сўзлар боғи” бор-йўғи 46 дақиқа ичида орзуга интилиш, йўқотиш тажрибаси, зўравонлик, севги, шунингдек, меҳрибон инсонлар орасидаги енгиб бўлмас масофа ҳақида ҳикоя қилади.
Изоҳ (0)