Париждаги қайсидир кафеда иссиққина круассан ейишни, Темзага қараган ресторанда ўтириб, бир стакан қизил вино ичишни ёки шунчаки илиқ денгиз қирғоғида ўзингизни ҳис қилишни хоҳласангиз, оддий оқшомни бир ярим соатлик ғайриоддий саёҳатга айлантирадиган қуйидаги фильмлардан бирини томоша қилинг.
«Лондон таътиллари»
1945 йилдаги Лондонни кўриш учун ноёб имконият. Иттифоқчилар фашизм устидан қозонилган ғалабани нишонламоқда, маликалар Элизабет ва Маргаретга ота-онаси Букингем саройини тарк этишга рухсат беришади. Нозик ҳазилга эга ажойиб сюжет Буюк Британия пойтахтининг гўзал манзаралари билан безатилган: Трафалгар майдони, Қироллик саройи, Big Бен. Сутли чой тайёрлаш ва маликалар саргузаштларини кузатишнинг айни вақти.
«Биринчи қасоскор: Капитан Америка»
Суперқаҳрамон Капитан Америка ҳақидаги фильм воқеалари Вашингтонда бўлиб ўтади. Бўлиб ўтган воқеалардан кейин у оддий ҳаётга мослашишга ҳаракат қилади. Аста-секин Кеп ўзи ишлаётган ташкилот ниманидир яшираётганини сезиб қолади. Шундай қилиб, малласоч агент Скарлетт Йоханссон билан ҳаяжонли жосуслик иши бошланади.
«Миллат хазинаси»
Хазиналар ва уларнинг изловчилари ҳақидаги саргузашт фильмда Вашингтоннинг барча машҳур жойлари ва артефактларини томоша қилиш имконияти бор. Қаҳрамонларни олдин ҳеч ким билмаган таъқиблар, жумбоқлар ва тарихий воқеалар кутади. Николас Кейж бутун халқни қутқаришнинг уддасидан чиқади.
«Жосус»
Ушбу фильмда Жуд Лоу Жеймс Бонд ролини, Жейсон Стейтем эса аҳмоқ супер жосус ролини ўйнайди. Комедия воқеалари Европанинг энг гўзал пойтахтларида, ҳашаматли қасрларда, ресторанларда, самолётларда бўлиб ўтади. Шунингдек, фильмда Венгриядаги Балатон кўлининг гўзаллигидан баҳраманд бўлиш мумкин, бу кўлни Стейтем қаҳрамони океан деб хато қилади. Ажойиб оқшом учун ажойиб фильм.
«Паддингтоннинг саргузаштлари»
Момиқ айиқча ҳақидаги ёқимли фильм воқеалари Перуда бошланади. Кейин қаҳрамон Лондонга боради, инглиз оиласи уни Паддингтон станциясидан топади ва унга шу номни беришади. Айиқ, ўзи хоҳлаганидек, ҳақиқий оилани топади. Томошабинлар одатий Лондон кўчаларини, машҳур метро ва Табиацҳунослик музейини кўрадилар.
«Лондоннинг қулаши»
Жерар Батлер иштирокидаги ҳаяжонли жанговар фильмда Лондон олов ичра қолади. АҚШ президенти ва унинг содиқ қўриқчиси мамлакат бош вазири билан хайрлашиш учун Британия пойтахтига етиб келади. Барча давлатлар раҳбарларини бирлаштирган энг хавфсиз воқеа давлат раҳбарларига суиқасдга айланади. Террорчилар Лондонга ҳужум қилишади, кўприк ва биноларни портлатишади, лекин улар муносиб рақибларга дуч келишади.
«Нью-Йорк, Нью-Йорк»
Филипп Сеймур Хоффман иштирокидаги драматик ҳикоя. У ижодий инқирозга учраган театр директори ролини ўйнайди. Унинг қаҳрамони ташландиқ омборда спектакль қўйиш ва Нью-Йоркнинг ҳақиқий моделини яратишга қарор қилади. Фильм таниқли сценарий муаллифи Чарли Кауфманнинг режиссёрлик дебюти эди, шунинг учун ундан чуқур ва ўйланган сюжетни кутинг.
Мавзуга доир:
- Уэнздей ролини қойилмақом ижро этган ва интернетни «портлатган» рақсни ўзи ўйлаб топган Женна Ортега ҳақида 20 та факт
- Машҳурларнинг ҳаёти баъзан фильмлардаги комедик ҳолатлардан ҳам қизиқ эканини исботлайдиган воқеалар
- Янги йил ҳақидаги севимли фильмларда рол ижро этган болакай ва қизалоқлар ҳозирда қандай кўринишда?
Изоҳ (0)