Studio Canal компанияси режиссёр Пол Кинг томонидан суратга олинган «Паддингтоннинг саргузаштлари» фильми иккинчи қисми трейлерини эълон қилди, дея хабар бермоқда Meduza.
Фильм Перудан Лондонга келган ва Браунлар оиласига жойлашган айиқча Паддингтон ҳақида ҳикоя қилади. Паддингтон олдида мураккаб вазифа бор: у холаси Люсининг туғилган куни учун муносиб совға топиши зарур.
Фильмда бош ролларни Хью Грант, Брендан Глисон, Салли Хокинс ва Имелда Стонтон ижро этган. Паддингтонга Бен Уишоу овоз берган.
Фильм премьераси 2017 йил 10 ноябрь куни бўлиб ўтади.
Изоҳ (0)