Фантастик жанрдаги фильмларни компьютер графикасисиз тасаввур қилиш қийин. Жаҳон кинематографиясида ижодкорлар фильмларни махсус эффектлар билан бойитиш учун миллионлаб долларлар сарфлашади. Лекин шундай фильмлар борки, кам бюджетга эга бўлса-да, томошабинларга ажойиб ижод маҳсулларини тақдим эта олган.
“Паддингтоннинг саргузаштлари” ва “Паддингтон саргузаштлари 2” — 55 миллион ва 50 миллион доллар
“Паддингтоннинг саргузаштлари” яхши ҳаёт илинжида холаси билан Перудан Лондонга қочишга мажбур бўлган гапирувчи айиқ ҳақида. Паддингтон Браунлар оиласи билан танишади, айиқ дастлаб улар билан тил топиша олмайди, лекин тез орада уларга кераклигини исботлайди. Фильмдаги компьютер графикасининг аксарият қисми кичкина гапирувчи айиқ атрофида айланади, у шунчалик яхши чиққанки, фильмнинг бюджети камида 100 миллион бўлганга ўхшайди, лекин бунинг деярли ярми эди — атиги 55 миллион доллар. Кассада фильм 268 миллион доллар даромад йиғади. Бу эса оригинал фильмдан ҳам яхшироқ олинган ва бюджети 5 миллиондан кам бўлган фильм давомини олишга имкон беради.
“Асосчи” (2023) — 80 миллион доллар
Гарет Эдвардснинг “Асосчи” фильми танқидчилар ва оддий томошабинлар томонидан илиқ кутиб олинди, улар йўналиш, сюжет ва графикани алоҳида таъкидлади. Афсуски, “Асосчи” кассада омадсизликка учраб, бор-йўғи 91 миллион даромад келтирди.
“Юлдузлар жанги. IV эпизод: Янги умид” — 11 миллион доллар
Ўтган асрнинг иккинчи ярмида кино ижодкорлари ёмон графика туфайли имкон қадар яхшироқ фильм олишлари керак эди. Бунинг турли усуллари бор эди, лекин асосийси амалий эффектлар бўлиб, улар тўғри қўлланилганда визуал эффектлардан бир оз яхшироқ кўринарди. Мисол учун, кичик моделлар ёрдамида “Юлдузлар жанги” фильмининг тўртинчи эпизодида кўплаб саҳналар суратга олинган, улар атиги 11 миллионга суратга олинган. Жорж Лукас жуда чекланган бюджетга эга эди, аммо амалий эффектлар туфайли у уни кам бюджет доирасида ушлаб туришга муваффақ бўлди. Кейинги эпизод, оригинал фильмнинг кўп миллион долларлик кассасига қарамай, фақат 18 миллион бюджет билан мақтана олади, чунки Лукас студиядан қарз олишдан кўра ўз пулидан фойдаланган, аммо учинчи фильм бюджети 32,5 миллион долларни ташкил қилади.
“Мустақиллик куни” (1996) — 75 млн
“Мустақиллик куни” — жуда яхши визуал эффектлар билан бирлаштирилган амалий эффектлардан яхши фойдаланишнинг яна бир намунасидир. Фильмнинг ҳар бир дақиқасига камида 500 минг доллар сарфланган, бу шундай улкан илмий-фантастик фильм учун ажойиб натижа.
“Юра даври дунёси” — 63 миллион доллар
1993 йилда суратга олинган “Юра даври дунёси” визуал эффектлардаги техник ютуқлари учун “Оскар” мукофотини қўлга киритади, аммо шуни таъкидлаш жоизки, фильмнинг визуал эффектлари унинг амалий эффектлари, жумладан аниматроник динозаврлар ҳам бор эди. 1993 йилда фақат визуал эффектлар ёрдамида қўрқинчли ва ишонарли нарсаларни яратиш қийин эди, шунинг учун аниматроник моделларсиз буни амалга ошириш мумкин эмасди. Фильм 900 миллион доллардан сал кўпроқ, қайта прокатлардан 100 млнга яқин даромад олди. Натижада “Юра даври дунёси”нинг умумий кассаси бир миллиарддан ошди.
“Ҳамма ҳар жойда ва бирданига” — 14,3 миллион доллар
“Ҳамма ҳар жойда ва бирданига” — бюджет ва компьютер графикаси нисбати бўйича мутлақ рекордчи. Дастлаб кўпчилик фильм бюджетини 25 миллион доллар атрофида деб тахмин қилган, бироқ фильм ижодкорлари бу гапни рад этиб, бор-йўғи 14,3 миллион сарфлаганликларини айтган. Таққослаш учун, “Доктор Стренж 2” фильмининг бюджети деярли 300 миллион доллар, бироқ у “Ҳамма ҳар жойда ва бирданига” фильмидек натижага эриша олмади. Дан Кван ва Даниэль Шайнерт режиссёрлигида суратга олинган фильм унчалик катта бўлмаган – 107 миллионлик даромад келтирган, бироқ танқидчилар ва оддий томошабинларнинг олқишига сазовор бўлган фильм ҳақиқий хитга айланди. “Ҳамма ҳар жойда ва бирданига” барча мукофотларга номзод бўлди. Аниқроғи, “Сатурн”, “Gotham”, “Олтин глобус”, BAFTA, “Америка режиссёрлар гилдияси мукофоти” ва “Оскар”нинг ўнлаб номинацияларини олди. Фильм бир вақтнинг ўзида 7 та “Оскар”ни қўлга киритди, жумладан, “Энг яхши фильм” ва “Энг яхши оригинал сценарий” номинацияларида ҳам.
“Матрица” — 63 миллион доллар
Ака-ука Вачовскилар “Матрица”ни яратишда чекланган бюджетга эга эди, чунки улар билан ишлашни кўпчилик хоҳламасди. Шунга қарамай, Вачовскилар Kиaну Ривз, Лоренс Фишберн ва Ҳьюго Уивингни жалб қилишга, шунингдек, бир неча миллионлаб пул ишлашга муваффақ бўлишди. Натижа барча умидларни оқлади – “Матрица” 467 миллион даромад олди ва тезда 90 йилларнинг энг яхши фильмларидан бирига айланди, шунингдек, тўртта “Оскар” номинациясини қўлга киритди. “Энг яхши монтаж” учун “Матриса” нафақат “Оскар”, балки Awards Circuit Community Awards мукофотига ҳам муносиб кўрилган.
Изоҳ (0)