Буюк Британияда мамлакатни 70 йилдан буён бошқариб келаётган қиролича Елизавета II нинг «платина юбилейи» нишонланмоқда. Байрам роликларининг бирида қиролича билан бирга Паддингтон айиғи ҳам пайдо бўлди, деб хабар беради «Фильм.ru».
Компьютерда яратилган анимацион қаҳрамон иштирокида ёзиб олинган видеони Букингем саройи эълон қилган. Роликда Паддингтон хушмуомалалик билан Елизаветага мармеладли сендвични олиб келади, қиролича бунга жавобан сендвични «кейинроқ ейиш учун» сумкасида сақлашини айтади.
Паддингтонга яна Бен Уишоу овоз берган — у «Паддингтоннинг саргузаштлари»нинг иккила қисмида ҳам айиқни «гапиртирган» эди. Айни вақтда учинчи фильмга тайёргарлик кўрилмоқда. Унинг режиссёри Майкл Бонд: релиз 2023 йилга режалаштирилган.
Елизавета II таниқли киноқаҳрамонлар билан биринчи марта саҳнада пайдо бўлмаяпти: 2012 йилда Олимпиада ўйинлари вақтида у Жеймс Бонд (Дэниэл Крейг) билан махсус видео учун суратга тушган.
Аввалроқ қиролича Елизавета II соғлиғидаги муаммолар сабаб ҳукмронлигининг 70 йиллигига бағишланган тадбирда қатнашмаслиги тўғрисида хабар берилганди.
Изоҳ (0)