2018 йилда Меган Маркл шаҳзода Гаррига турмушга чиқади — шу тариқа Британия қироллик оиласига профессионал актриса кириб келади. Аммо маълум бўлишича, у кино оламида иштирок этган ягона монарх эмас: Виндзорлар баъзан кўнгилочар шоуларда ва бадиий фильмларда иштирок этиб туради.
Қиролича Елизавета II
2012 йилда Лондон Олимпиадасининг очилиш маросимида томошабинлар Жеймс Бонд ролини ўйнаган Дэниэл Крейг Елизавета II ни вертолётгача кузатиб бораётгани, машҳур жосус ва ҳазрати олиялари парашютда биргаликда сакраётган видео намойиш этилди. Қироличанинг фильмда иштирок этиши унинг оиласидан сир тутилган, бироқ қироличага севимли корги ити ҳамроҳ бўлган. Натижада Елизавета II кинога қўшган ҳиссаси учун BAFTA мукофотига сазовор бўлди.
Аммо қироличанинг кинодаги фаолияти шу билан тугамади. Яқинда ҳазрати олияларининг платина юбилейига бағишланган тизерда ҳам рол ўйнади. Фильмдаги партнёри айиқча Паддингтон эди. Қиролича ва унинг меҳмони чой ичиб, мармеладли сендвичлар ҳақида гаплашишади. Малика айиқчага ҳар доим сумкасида шундай сендвич олиб юришини айтади.
Шаҳзода Чарльз
Британиянинг «Тож кийдириш» телесериали 1960 йилдан бери ҳануз экранларда. Сериалда тахт вориси шаҳзода Чарльз ҳам рол ўйнаган. Шаҳзода шоунинг 40 йиллигини нишонлаш учун 2000 йил 8 декабрда жонли эфирга узатилган эпизодда қисқача чиқиш қилган.
2022 йил март ойида Чарльз ва унинг рафиқаси Камилла Паркер-Боулз қироличанинг платина юбилейини нишонлаш саҳнасида «Ист-Энд аҳолиси» фильмида суратга тушди.
Шаҳзода Уильям ва Гарри
Уильям ва Гарри афсонавий «Юлдузлар жанги» космик эпопеясида қироллик жангчилари ролини ўйнаган. Улар «Сўнгги Жедаи» саҳнасида кичик эпизодда суратга тушган, аммо улар иштирок этган кадр фильмдан кесилган. Гап шундаки, шаҳзодаларнинг бўйи жангчилар учун жуда баландлик қилган.
Сара Фергюсон
Қироличанинг ўғли — шаҳзода Эндрюнинг собиқ рафиқаси «Дўстлар» ситкомининг 4-мавсум финалида эпизодик рол ўйнаган. Сюжетга кўра, Жо уни Лондон марказида учратиб қолади ва у билан селфи тушади. «Дўстлар» туфайли Сара шаҳзода билан ажрашишини кечира олмаган британияликлар олдида ўз имижини яхшилаб олган.
Малика Беатрис
Саранинг қизларидан бири малика Беатрис ҳам онаси каби рол ўйнаган. Қиз «Ёш Виктория» фильмида катта бувисининг хизматкори ролини ўйнайди. Қиролича ролини Эмили Блант ижро этган. Кўпгина томошабинлар маликанинг ташқи кўриниши Викторияга жуда ўхшашлигини таъкидлайди. Картина продюсерларидан бири Сара Фергюсон бўлган.
Шаҳзодалар — Эдвард ва Эндрю ҳамда малика Анна
1987 йил июнь ойида Буюк Британия экранларида The Grand Knockout Tournament шоуси чиқди, унда қироличанинг кичик фарзандлари — шаҳзода Эдвард ва Эндрю ҳамда малика Анна иштирок этади. Иштирокчилар кўплаб синовлардан ўтиш керак бўлади. Мисол учун, бир турда улар баҳайбат сабзавотларга ўхшаб кийинишган, бошқасида эса бир-бирига сунъий гўшт отишган. Мусобақада Аннанинг жамоаси ғалаба қозонади. Мазкур шоу хайрия учун 1 миллион фунт стерлингдан кўпроқ пул йиғади.
Зара Тиндалл
Малика Аннанинг қизи Зара Тиндалл Британия қироллик оиласининг энг сермаҳсул актрисаларидан биридир. У учта фильмда ўйнаган: «Контузия», «Қора ва оқ аро» ва «Яшаш ҳуқуқи». Шунингдек, у ҳужжатли фильмлар режиссёри ва саундтреклар муаллифи ҳисобланади.
Изоҳ (0)