Блю Айви, 11 ёш
Ота-онаси: Бейонсе ва Жей-Зи
Туғилган санаси: 2012 йил 7 январь
Бейонсе ва Жей-Зининг биринчи фарзанди Блю Айви Картер нафақат машҳурлар оиласида, балки қимматбаҳо совғалар, жумладан, нодир тошлар билан безатилган дизайнерлик курсиси, 50 минг долларлик аравача ва энг ҳашаматли бренд либослар орасида туғилган. Қизалоқ оиланинг чинакам эркатойи бўлиб улғайди. Жуфтлик ҳали ҳам унинг ҳар қандай инжиқлигини кўтаришга тайёр. Туғилган кун шарафига ўтказиладиган зиёфатлар, ҳашаматли автомобилларнинг мини-версиялари — унда аллақачон пушти Cadillac ва кўк Lamborghini бор, 75 000 долларлик араб айғири, заргарлик буюмлари ва онасининг кўйлагини такрорлайдиган либосларга қараганда Блю Айвининг ота-онаси хурсанд қилиш ва эркалатиш ўртасидаги фарқни аниқ ҳис қилмайдиганга ўхшайди.
2017 йилда Блюнинг эгизак синглиси ва укаси — Сер ҳамда Руми дунёга келди. Афтидан, эгизаклар ҳам аллақачон шоҳона ҳаётнинг барча лаззатидан татиб кўрмоқда. Блю эса, эҳтимол, биринчи марта эътиборнинг етишмаслигини ҳис қилаётгандир. Айни пайтда Бейонсенинг сўзларига кўра, у ҳатто қизини оилада ўзини бегона ҳис қилмаслик учун туғуруқхонага олиб келмоқчи бўлган ва махсус кун учун қизига Givenchy ҳамшира костюмига буюртма берган. Онанинг бундай йўл тутиши қизнинг оилавий рақобатга кўникишига қанчалик ёрдам бергани сирлигича қолмоқда.
Сури Круз, 17 ёш
Ота-онаси: Кети Холмс ва Том Круз
Туғилган санаси: 2006 йил 18 апрель
Сури ҳам келажакда Нью-Йорк “олтин” ёшларининг маликаси бўлишга тайёр. У ёшлигидан буён гардеробдан ўзи кийим танлайди. Шунингдек, фақат кўйлак ва юбкалар кийишни афзал кўради, баланд пошнали туфлиларни ёқтиради. Шунингдек, унинг ўзи шахсий ўқитувчиларини ишдан бўшатади ва бўш вақтида дугоналари билан Манхеттен марказидаги маникюр салонларига ташриф буюради. Сури 7 ёшида ҳатто ўзининг кийим-кечаклар тармоғини ҳам яратган.
Сури онаси билан яшайди, отаси билан деярли гаплашмайди, аммо Том Круз қизига мунтазам равишда қимматбаҳо совғалар юборади. Тарбия борасида унга масъул бўлган Кети Холмс қизини вақти-вақти билан баскетбол ўйинларига ёки музейларга олиб боради. Илгари Сури вақтини ҳашаматли жойларда ўтказишни талаб қилган бўлса, энди у ўзини камтарроқ тутишга ҳаракат қилмоқда.
Валентина Палома Пино, 16 ёш
Ота-онаси: Салма Ҳаек ва Франсуа-Анри Пино
Туғилган санаси: 2007 йил 21 сентябрь
Актриса Салма Хаек 41 ёшида қизини қийинчиликлар билан дунёга келтирди. Шифокорлар чақалоқнинг Даун синдроми билан туғилишини гумон қилган. Хайриятки, ҳомиладорликда мумкин бўлган муаммолар бартараф этилди ва Хаек-Пино оиласи бахтли ҳаёт кечирмоқда. Хўш, она дунёга машҳур актриса, ота-боболар Forbes рўйхатидан жой олган бўлса, қизга бирор нарсага муҳтож бўлиш ҳақида хаёл суришнинг кераги ҳам йўқ.
Шунинг учун Валентина ёшлигиданоқ замонавий гардероб, мукаммал маникюр ва ижтимоий тадбирлар нима эканлигини билади. Миллиардер Франсуа-Анри Пино ўз қизини яхши кўради ва унга Лос-Анжелесда 12 миллион долларлик мулк сотиб олган.
Баррон Трамп, 17 ёш
Туғилган санаси: 2006 йил 20 март
Харпер Бекҳэм, 12 ёш
Ота-онаси: Виктория ва Девид Бекхем
Туғилган санаси: 2011 йил 10 июль
Харпер Бекҳэмлар оиласининг чинакам маликаси. Онаси Виктория қизни замонавий кийимлар билан эркалайди ва у биринчи қаторда ўтириб, энг муҳим шоуларда иштирок этади. Девид эса деярли ҳар бир интервьюсида қизига барча нарсанинг фақат яхшисини беришини таъкидлайди.
Афтидан, Девид ҳақиқатан ҳам сўзида турадиган одамга ўхшайди, чунки унинг Харперга берган совғаларининг дабдабаси ва қимматлигига гап-сўз бўлиши мумкин эмас. Мисол учун, севимли қизининг 2 ёшга тўлган кунида футболчи унга бристоллик машҳур рассом Дамиэн Херстнинг 600 минг фунтлик расмини совға қилди.
Шунингдек, спортчининг қизи олти ёшга тўлиши муносабати билан туғилган кунини нафақат шоҳона зиёфат қилиб нишонлаган, балки Букингем саройида Харпер дўстлари учун ташкил этган кечада Елизавета II нинг набираси малика Евгений мезбон сифатида иштирок этган.
Жорж 10 ёш, Шарлотта 8 ёш ва Луи 5 ёш
Ота-онаси: Уилям ва Кетрин, Кембриж герцоги ва герцогиняси
Туғилган санаси: 2013 йил 22 июль, 2015 йил 2 май ва 2018 йил 23 апрель
Зодагонлар энди аввалги даврдагидек камтар одамлар эмас. Улар орасида 1,5 миллион долларлик олмосли маникюр тўпламлари ва Кариб денгизидаги оролга тенг ўйинчоқлар билан таъминланган болалар ҳам бор. Мисол учун, Жорж туғилишидан олдин ҳам бошдан-оёқ совғага кўмилган эди ва тахтнинг бўлажак вориси туғилгандан кейингина совғалар оқими янада кўпая бошлади.
Автомобиль, велосипед, скейтборд, теридан тикилган плаш, сёрфинг кийимлари, Австралиянинг Дарвин шаҳри ҳукуматининг шахсий тимсоҳи ва ҳатто Пиппа холасидан янги туғилган шаҳзоданинг қўл-оёқларининг кумуш қуймалари кабилар. Кейт Миддлтон ўз авлодларини оддий болалар каби тарбиялашга ҳаракат қилади, бундай совғалар шаҳзода ва маликаларга уларнинг юксак мавқейини эслатиб туради.
Айтганча, Шарлотта совғалар сони бўйича акасидан қолишмайди. Биринчи туғилган кунида кичкина малика 64 мамлакатдан совға олди, улар орасида, масалан, 30 минг фунт стерлингга тенг олмос, ёқут ва сапфир тошлар билан безатилган олтин шақилдоқ, шунингдек, ўйинчоқлар ва бошқа совғалар бор эди.
Айтганча, улар вақти-вақти билан ўзларининг характерини намойиш этиб туришади. Мисол учун, шаҳзода Жорж Royal International Air Таттоо шоусида инжиқлик қилиб, синглиси онаси билан кетганини ёқтирмай, Гамбург аэропортида ҳамманинг олдида ерга ётиб олиб йиғлаган. Аммо уларнинг укаси — шаҳзода Луи, аксинча ҳар доим мухлисларни табассуми билан ўзига жалб қилади ва ҳеч қачон йиғлаётганини кўрмайсиз.
Макс Лайрон Бретман 15 ва Саммер Рейн 9 ёш
Ота-онаси: Кристина Агилера ва Жордан Братман
Ва: Кристина Агилера ва Метю Рутлер
Туғилган санаси: 2008 йил 12 январь ва 2014 йил 16 август
Кристина Агилера кўплаб юлдуз оналар сингари фарзандларини эркалаш имкониятини қўлдан бой бермайди. Масалан, қўшиқчи ва унинг ўша пайтдаги турмуш ўртоғи Жордан Бретман биринчи фарзанди туғилишидан олдин чақалоқ хонасига 35 минг доллар сарфлаган. У ерда чақалоқни қайиқ шаклидаги каравот, баҳайбат ярим ой, одам ўлчамидаги Паддингтон айиғи, ўнлаб ўйингоҳлар ва жуда қиммат дизайнерлик мебеллари кутиб турарди.
Кристинанинг қизига эса продюсер Меттю Ратлер томонидан худди шундай эътибор қаратилмоқда. Она чақалоқ учун ранг-баранг зиёфатлар уюштирди, ҳақиқий малика каби кийинтирди ва ҳатто бир марта Америка журналларидан бирининг муқовасида чиқишини ҳам таъминлади.
Изоҳ (0)