Қиролича Елизавета II 96 ёш бўлишига қарамай чиройли кўринишга эга. Сўнгги йилларда у ўз вазифаларидан воз кечишни хаёлига ҳам келтирмаган, мунтазам равишда тадбир ва йиғилишларда қатнашган. Унинг узоқ умр кўриш сирларидан бири тўғри овқатланиш тартиби. Қуйида Елизавета II нинг овқатланиш тартиби ҳақида маълумот берилади.
Биринчи нонушта
Қиролича кунни бир стакан шакарсиз иссиқ Эрл Грэй чойи билан бошлайди. Унга ҳар доим чой билан бирга шоколадли печенье берилади.
Иккинчи нонушта
Сувли процедурадан кейин қиролича кийиниб, аввалгисига қараганда анча тўйимли бўлган расмий нонуштасига ўтади. У иккинчи нонуштани ёрмадан бошлашни афзал кўради, баъзида тост ва мармелад истеъмол қилади. Қизиғи шундаки, унинг нонушта дастурхонига камдан кам ҳолларда тухум қўйилади.
Тушлик
Қиролича Елизавета II тушлик учун қовурилган балиқ, исмалоқ ва қовоқ каби юқори протеинли, кам углеводли таомларни танлайди. У қовурилган товуқли салатни ҳам яхши кўради. Шуниси эътиборга лойиқки, ошпазлар асосан қироллик мулкида етиштириладиган органик маҳсулотлардан фойдаланади.
Пешиндан кейинги чой
Тушликдан кейинги овқатланишда Елизавета II ҳар доим пишлоқли, бодрингли сендвичлар ёки мевали пирог билан чой ичади. Қиролича болалигида нонга сариёғ ва қулупнай мураббосини суриб ейишни яхши кўрган.
Кечки овқат
Қиролликнинг собиқ ошпази Даррен Макгредининг сўзларига кўра, Елизавета II кечки овқат учун сабзавотли салат билан қовурилган ёки қайнатилган балиқ ейди. У кечки овқатда таркибида крахмал бўлмаган маҳсулотларни истеъмол қилади.
Елизавета II вақти-вақти билан қаймоқли стейк ва қўзиқорин соусидан иборат таомларни тановул қилиб туради.
Десерт
Кўпинча қиролича ширинлик сифатида ўз боғида етиштирилган резавор меваларни, баъзида шоколадли ширинликларни истеъмол қилади. Елизавета II сут ва оқ шоколадни истеъмол қилишдан қочади, фақат қора шоколад тановул қилади.
Қиролича нимани истеъмол қилмайди?
Елизавета II ҳеч қачон саримсоқ солинган таом емайди. Ушбу маҳсулотни қироллик ошхонасида ишлатиш ҳам тақиқланган.
Мавзуга доир:
Изоҳ (0)