Жорий йилнинг ўтган даври давомида тадбиркорларнинг ҳуқуқларини ҳимоя қилиш борасида бизнес-омбудсман томонидан 1 минг 836 та таъсир чораси қўлланган. Бу ҳақда АОКАда ўтказилган йиғилишда бизнес омбудсман девони ахборот хизмати раҳбари Гулжамол Шукурова маълум қилди.
Ўтган давр мобайнида тадбиркорлардан келиб тушган 7 минг 127 та мурожаатлар хусусиятлари бўйича таҳлил этилганда:
- 12 фоизи солиққа оид;
- 11 фоизи ер, кадастр ва архитектурага оид;
- 10 фоизи банк, кредитга оид;
- 10 фоизи текширувларга оид;
- 8 фоизи суд қарори ижросига оид ва бошқа масалаларга оидлиги аниқланди.
Қолаверса, “Тадбиркор виртуал офиси” ахборот портали орқали 7 минг 113 та мурожаатда 8 минг 131 та масала келиб тушган бўлиб, мазмунига кўра мурожаатларнинг:
- 17 фоизи банк ва кредитга оид;
- 11 фоизи солиқ;
- 8 фоизи мансабдор шахсларнинг хатти-ҳаракати;
- 8 фоизи ер майдони, ёки бино ажратиш, кадастр масалалари;
- 8 фоизи суд ва бошқа орган ҳужжатларини ижро этиш;
- 7 фоизи инфратузилма масалалари;
- 41 фоизи бошқа масалаларга тегишли.
Аниқланган қонунбузилиш ҳолатлари бўйича 8 та тақдимнома киритилган ва 122 нафар мансабдор шахсга нисбатан маъмурий баённома расмийлаштирилган.
Изоҳ (0)