Америкалик тадбиркор Илон Маск жорий йилнинг июль ойида бўлиб ўтган сайловлардан сўнг Венесуэладаги давлат тўнтаришига уринишни молиялаштириш учун камида 1 миллиард доллар сарфлади. Бу ҳақда республика президенти Николас Мадуро маълум қилди.
Венесуэла етакчисига кўра, ажратилган маблағни мухолифат етакчиларидан бири Мария Корина Мачадо тарқатган.
У, ўз навбатида, террорчилик гуруҳларини молиялаштириш билан ҳам шуғулланган. Бироқ давлат тўнтариш режаси барбод бўлди, деди Мадуро.
Унинг таъкидлашича, Маск муваффақиятсизликка учраган. Мадуронинг қўшимча қилишича, давлат тўнтаришига уриниш ортида “АҚШ ҳукумати, Шимолий Америка империясининг доимий фитнаси турган”.
Август ойида Мадуро Х ижтимоий тармоғи мамлакатда бир неча бор қонунбузарлик қилгани ва шу сабабли унинг мамлакатдаги фаолияти тўхтатилишини айтган эди. Давлат раҳбари ушбу сайт нафрат, фашизм, фуқаролар уруши, венесуэлаликлар ўртасидаги қарама-қаршиликни қўзғатаётгани, шунингдек, Венесуэланинг барча қонунларини бузаётганини таъкидлаган.
Изоҳ (0)