Joriy yilning o‘tgan davri davomida tadbirkorlarning huquqlarini himoya qilish borasida biznes-ombudsman tomonidan 1 ming 836 ta ta’sir chorasi qo‘llangan. Bu haqda AOKAda o‘tkazilgan yig‘ilishda biznes ombudsman devoni axborot xizmati rahbari Guljamol Shukurova ma’lum qildi.
O‘tgan davr mobaynida tadbirkorlardan kelib tushgan 7 ming 127 ta murojaatlar xususiyatlari bo‘yicha tahlil etilganda:
- 12 foizi soliqqa oid;
- 11 foizi yer, kadastr va arxitekturaga oid;
- 10 foizi bank, kreditga oid;
- 10 foizi tekshiruvlarga oid;
- 8 foizi sud qarori ijrosiga oid va boshqa masalalarga oidligi aniqlandi.
Qolaversa, “Tadbirkor virtual ofisi” axborot portali orqali 7 ming 113 ta murojaatda 8 ming 131 ta masala kelib tushgan bo‘lib, mazmuniga ko‘ra murojaatlarning:
- 17 foizi bank va kreditga oid;
- 11 foizi soliq;
- 8 foizi mansabdor shaxslarning xatti-harakati;
- 8 foizi yer maydoni, yoki bino ajratish, kadastr masalalari;
- 8 foizi sud va boshqa organ hujjatlarini ijro etish;
- 7 foizi infratuzilma masalalari;
- 41 foizi boshqa masalalarga tegishli.
Aniqlangan qonunbuzilish holatlari bo‘yicha 8 ta taqdimnoma kiritilgan va 122 nafar mansabdor shaxsga nisbatan ma’muriy bayonnoma rasmiylashtirilgan.
Izoh (0)