Мамлакатдаги ўзгаришларга сабабчи бўлган Саудия Арабистонининг замонавий маликалари қандай кўринишга эга?

Мазкур Саудия маликалари қироллик ва бутун дунёни яхшилаш учун доимий равишда ҳаракат қилишади.

Малика Рима бинту Бандар ибн Султон ал-Сауд

У қирол оиласида ўсган, отаси Қиролликнинг ташқи разведка хизмати собиқ раҳбари эди. Малика Рима кўплаб соҳаларда ўзини кўрсатган.

2020 йилда у Саудия Арабистонининг АҚШдаги биринчи аёл элчиси этиб тайинланади. У доимо хотин-қизларни иш билан таъминлаш имкониятларини кенгайтиришга интилади.

2018 йилда Халқаро Олимпия қўмитаси (ХОҚ), 2017 йилда Саудия Арабистони Олимпия қўмитаси аъзоси бўлган. Малика араб дунёсининг икки юзта энг нуфузли аёллари рўйхатига киритилган.

Малика Адила бинту Абдуллоҳ бин Абдулазиз ал-Сауд

У Саудия Арабистонининг марҳум қироли Абдуллоҳнинг қизи.

Малика аёллар эркинлигини ҳимоя қилади ва Саудия аёли бўлиш нимани англатишини ўзи мисолида кўрсатиб беради. Малика Жиддадаги Home Care Charity Trust президенти. Шунингдек, у саратон касаллигига чалинган болаларни қўллаб-қувватловчи Sanad хайрия ташкилотининг асосчиси ва раиси ҳисобланади. У мамлакатда хотин-қизлар ҳуқуқлари билан боғлиқ вазиятни ўзгартириш, оиладаги зўравонликни тугатиш, қизларнинг мактабларда спорт билан шуғулланишига рухсат бериш каби мавзуларга жамоатчилик эътиборини қаратишга катта ҳисса қўшади.

Адила, шунингдек, аёлларнинг машина ҳайдаш ҳуқуқи учун курашган.

Малика Муди бинту Холид Ал Сауд

Саудия Арабистонида ҳукмронлик қилган Саудийлар сулоласининг вакили, қирол Холиднинг қизи.

Малика Муди 30 йилдан ортиқ вақт давомида хайрия ишларида фаол иштирок этиб келмоқда. У бир нечта таниқли ташаббусларга, жумладан, “Ал-Надҳа” аёллар хайрия жамияти, Даун синдромига чалинганлар васийлари ассоциацияси ва Қирол Халид хайрия жамғармасига раҳбарлик қилган.

Унинг асосий мақсади хотин-қизлар ҳуқуқ ва имкониятларини кенгайтириш, уларга ўз фикрларини билдиришлари учун имконият тақдим этишдан иборат.

Малика ал-Жоҳара Талал ал-Сауд

Малика ал-Жоҳара марҳум шаҳзода Талал ибн Абдулазизнинг қизи.

Тенглик учун кураши билан танилган малика ал-Жоҳара “Атлал Алмажд” раиси сифатида ишлайди. Ушбу ташкилот глобал бизнес инновацияларини рағбатлантиришга қаратилган кенг кўламли хизматларни таклиф этади. У қатор халқаро тадбирларда, жумладан, Аёллар имкониятларини кенгайтириш саммитида иштирок этган. У Saalima — ҳайвонларни ҳимоя қилиш уюшмасининг асосчиси ва бошқарув кенгаши аъзоси сифатида ёш аёлларни илҳомлантиради.

Малика Ламия бинту Мажид ал-Сауд

Ёзувчи ва хайриячи Ламия бинту Мажид шаҳзода Мажид ибн Сауд ал-Сауднинг қизи.

Малика Ламия — Бирлашган Миллатлар Ташкилотининг яхши ният элчиси ва “Ал-Валид” хайрия ташкилоти бош котиби. У ҳаётини бошқаларга хизмат қилишга бағишлаган ва кўплаб соҳаларда аёлларни ҳимоя қилади.

У маҳаллий рассомлар ва бошқа истеъдодли одамларни рағбатлантиради ҳамда Аlwaleed Philanthropies хайрия ташкилоти орқали аёлларга орзуларини рўёбга чиқаришга ёрдам берадиган муваффақиятли лойиҳаларни молиялаштиради.

Малика Сора бинту Сауд ибн Саад ал-Сауд

Сора Сауд хонадони аъзоси ва Саудия Арабистони қироли Абдуллоҳ ибн Абдулазиз ал-Сауднинг набираси.

Машҳур тадбиркор Сора мода ва хайрия оламида машҳур. У турмуш ўртоғи шаҳзода Абдулазиз бин Талал ал-Сауд билан ҳамкорликда Аhyaha Foundation’га асос солган. Унинг мақсади таълим лойиҳалари орқали жамиятни ривожлантиришдир. Малика Сора хайрия саъй-ҳаракатлари доирасида 2017 йилда Меntor Foundation USA – International’нинг фахрий элчиси бўлган. Малика Сора, шунингдек, бир қатор мода брендларининг асосчиси, жумладан, SО By Sora ҳам унга тегишли.

Малика Фаҳда бинту Бандер ибн Абдуллоҳ ал-Сауд

Малика Фаҳда саёҳатга бўлган муҳаббатини гуллаб-яшнаётган бизнесга айлантиради. У бизнесдаги ҳамкори Манаер ал-Шарх билан биргаликда тажрибага асосланган саёҳат бўйича маслаҳатчи Тhе Traveling Panther’га, 2015 йилда саёҳатларини режалаштиришда ёрдам берадиган сайтга асос солган. Маликанинг фотографияга иштиёқи баланд ва саёҳатларидаги суратлар билан ўртоқлашади. Севимли машғулоти унга веб-сайти учун материаллар билан таъминлайдиган ҳамкасблар, жумладан, фотосуратчилар ва рассомлар билан учрашишга имкон беради.