Англия терма жамоасининг янги бош мураббийи Томас Тухель ҳужумчи Ҳарри Кейн терма жамоа сардори бўлиб қоладими, деган саволга жавоб берди.
“Ҳамма Ҳаррига қандай муносабатда эканимни билади. Уни “Бавария”га олиб келиш учун кўп меҳнат қилишим керак бўлди. У аллақачон афсонага айланиш йўлида. Бундай қарорларни қабул қилишга ҳали эрта. Мен Ли Карслига ҳурмат кўрсатган ҳолда унинг ишига ҳалақит бермайман”, дея Тухель сўзларини келтирмоқда Goal нашри.
Бундан ташқари, мураббий нима сабабдан “Манчестер Юнайтед”ни танламаганини маълум қилди.
“Англия футбол ассоциациясининг ғоялари менга ёқди. Буни бош директор Марк чиройли тарзда тушунтириб берди. Мен уни ишга тушириш учун қарор чиқаришим керак эди. Бу нафақат терма жамоа, балки клуб ҳам бўлиши мумкин эди”, деди Тухель.
Маълумот учун, Англия термаси бошқарувига келгунига қадар Тухель узоқ вақт давомида “Манчестер Юнайтед” билан музокаралар олиб борганди.
Мутахассис 2025 йилдан бошлаб Англия терма жамоасида ишлайди. Шартнома 2026 йилнинг июлига қадар амал қилади. Бунгача Томас Тухель “Майнц”, “Боруссия Дортмунд”, “ПСЖ”, Лондоннинг “Челси” ва Германиянинг “Бавария” клубларида ишлаган.
Изоҳ (0)