“Бавария” раҳбарияти Хосеп Гвардиоланинг жамоага қайтишига умид қилмоқда. Бу ҳақда Kicker хабар берди.
Манбага кўра, Гвардиола кетганидан бери мюнхенликлар у билан алоқани узмаган. Испаниялик мутахассиснинг ҳали ҳам Мюнхенда квартираси бор ва шаҳарга тез-тез келиб туради. Бироқ Гвардиоланинг Германия клубига қайтиш режаси йўқлиги айтилмоқда.
Эслатиб ўтамиз, испаниялик мутахассис 2013 йилдан 2016 йилгача “Бавария”ни бошқарган. Бу вақт ичида Гвардиола Мюнхен клуби билан 7 та совринни қўлга киритган.
Ҳозирда “Бавария”ни бошқараётган германиялик мутахассис Томас Тухель жорий мавсум якунида клубни тарк этади. Олдинроқ ОАВда Тухель маълум шароитларда “Бавария”да қолиши мумкинлиги ҳақида миш-мишлар пайдо бўлганди.
Изоҳ (0)