«Тоттенҳэм» жамоаси Антонио Контени истеъфога чиқарса, Томас Тухель унинг ўрнини эгаллаши мумкин.
Evening Standart хабар беришича, амалдаги шартномаси 2023 йил ёзида ўз ниҳоясига етадиган италиялик мутахассиснинг келажаги сўроқ остида турибди.
Тухель 2022 йил сентябрь ойида «Челси»ни тарк этганидан буён ҳеч қаерда ишлагани йўқ. У клубларнинг таклифини эшитишга тайёр. Томас «Челси»га бўлган муҳаббатига қарамасдан «Тоттенҳэм»нинг таклифига очиқлигини билдирган.
Тухелга Лондонда яшаш ёқади. Гарет Саутгейт шартномани узайтирмагунга қадар у Англия терма жамоасида ишлашга ҳам қизиқиш билдирганди.
Шунингдек, немис мутахассиси испан тилини ҳам ўрганмоқда. Чунки Ла Лига топ-клубларидан ҳам унга таклифлар бўлиши мумкин.
Агарда Конте «Тоттенҳэм»ни тарк этадиган бўлса, унинг ўрнини Маурисио Почеттино эгаллаши ҳақида ҳам хабарлар мавжуд. Аргентиналик мураббий Дэниэл Леви билан муносабатларни сақлаб қолган.
Томас Тухель қўл остида «Челси» 2021 йилда Чемпионлар Лигаси зафар қучган.
Изоҳ (0)