“Манчестер Юнайтед” учун 5 та трансфер қоидаси ўрнатилди

Клубнинг асосий аксионерларидан бири Ретклифф “Манчестер Юнайтед” учун бешта трансфер қоидасини ўрнатди. Бу ҳақда The Sun нашри хабар бермоқда. 

Манбага кўра, уларнинг моҳияти қуйидагича:

• Янги трансферлар учун футболчининг ёш чегараси — 25 ёш;
• Супер юлдузлар билан шартнома имзоланмайди;
• Ўйин услубини техник директор Жейсон Уилкокс белгилайди;
• Мураббийдан аниқ ўйинчи ҳақида эмас, балки кучайтириш керак бўлган позиция ҳақида сўралади;
• Раҳбарият мураббийга ҳар бир позиция учун учтадан футболчини танлашни таклиф қилади.

2023—2024 йилги мавсумда “Манчестер Юнайтед” 38 ўйинда 60 очко жамғариб, Англия Премьер Лигасида саккизинчи ўринни эгаллади. Шу билан бирга, “қизил иблислар” финалда мамлакат чемпиони “Манчестер Сити”ни 2:1 ҳисобида мағлуб этиб, Англия кубоги соҳибига айланди.

Клуб раҳбарияти бош мураббий тен Ҳаг ўрнига жорий мавсум якунида Мюнхен клубини тарк этадиган “Бавария” бош мураббийи Томас Тухель ҳамда “Ипсвич” бош мураббийи Киран Маккенна билан музокаралар ўтказаётгани ҳақида хабарлар мавжуд.