“Бавария” Зинедин Зиданни бош мураббийликка таклиф қилиш фикрида эмас, деб хабар беради Sky Sport.
Аввалроқ ОАВда мюнхенликлар клуби 51 ёшли мутахассис хизматларига қизиқиш билдирган ва унинг атрофидагилар билан боғлангани ҳақида хабарлар тарқаган эди. Шунингдек, манбага кўра, жамоанинг қизиқиши ҳақида хабар берилган Ралф Рангник ҳам клубнинг шорт-листида йўқ.
Клуб бош мураббийликка асосий номзод сифатида Жулиан Нагелсманн хизматларига қизиқмоқда. Роберто Де Зерби ёки Унаи Эмери захира вариант сифатида кўрилмоқда.
Амалдаги бош мураббий Томас Тухель ёзда “Бавария”ни тарк этади. Немис мутахассиси билан келишув 2025 йилнинг ёзига қадар тузилган, бироқ томонлар шартномани муддатидан олдин бекор қилишга келишиб олган.
29-турдан кейин “Бавария” 63 очко билан иккинчи ўринда бормоқда. “Байер” клуби аллақачон чемпионликни расмийлаштирди. Улар ҳисобида 79 очко мавжуд.
Изоҳ (0)