“Манчестер Юнайтед” раҳбарияти жорий мавсум якунида Мюнхен клубини тарк этадиган “Бавария” бош мураббийи Томас Тухель билан музокараларни бошлаб юборган. Бу ҳақда Daily Mail хабар бермоқда.
Манбага кўра, “қизил иблислар” раҳбарлари “Ипсвич” бош мураббийи Киран Маккенна билан ҳам гаплашган.
Аввалроқ ОАВда “қизил иблислар”нинг амалдаги бош мураббийи Эрик тен Ҳаг бугун, 25 май куни бўлиб ўтадиган “Манчестер Сити” билан Англия кубоги финал учрашувидан сўнг истеъфога чиқарилиши ҳақида маълумотлар пайдо бўлганди.
Таъкидланишича, Тухель Англияга қайтиб, “Манчестер Юнайтед” билан ишлаш имкониятига қизиқиш билан қарамоқда. Бунгача германиялик мутахассис Лондоннинг “Челси” клуби бош мураббийи сифатида фаолият юритган.
Жорий мавсумда мюнхенликлар бирорта соврин ютмади. Жамоа сўнгги учрашувда мағлубиятга учраб, кумуш медални ҳам қўлдан чиқарди.
Изоҳ (0)