“Манчестер Юнайтед” клуби раҳбарияти ўтган мавсумга баҳо бериб, бош мураббий тен Ҳаг билан ҳамкорликни давом эттиришга қарор қилди, деб ёзади The Athletic.
Сешанба куни клуб вакиллари голландиялик мутахассис билан музокара ўтказди ва ҳар икки томон ҳам ҳамкорликни давом эттириш истагини билдирган.
Нуфузли инсайдер Фабрицио Романо ўзининг ижтимоий тармоқларида “Манчестер Юнайтед” раҳбариятининг голландиялик мутахассис Эрик тен Ҳаг билан ҳамкорликни давом эттириш қарори ҳақидаги хабарга изоҳ берди.
Маълумот учун, тен Ҳаг манкунианликлар бош мураббийи лавозимига 2022 йилнинг ёзида тайинланган эди. АПЛнинг сўнгги мавсуми якунига кўра, “Манчестер Юнайтед” саккизинчи ўринни эгаллади. Голландиялик мутахассис билан амалдаги меҳнат шартномаси 2025 йилнинг ёзига қадар тузилган.
The Guardian нашри “Манчестер Юнайтед” бош мураббийи Эрик тен Ҳаг Англия кубоги финалида “Манчестер Сити”га қарши ўйиндан сўнг истеъфога чиқарилиши ҳақида хабар берган эди. Бундан ташқари, клуб мутасаддилари Томас Тухель хизматларига қизиқиш билдирган.
Изоҳ (0)