Франциянинг “ПСЖ” жамоаси жорий мавсум квадруплга (4 та совринга эга чиқиш) эришиши мумкин.
Парижликлар муддатидан аввал Франция чемпионлигини қўлга киритди. Йил бошида эса Франция Суперкубоги доирасида “Тулуза”ни (2:0) енгиб, кубокка эга чиққанди.
Шунингдек, Луис Энрике бошчилигидаги жамоа Чемпионлар Лигаси ҳамда Франция Кубогида ғолиб бўлиш имкониятларини сақлаб турибди. ЕЧЛ ярим финалида Париж клуби “Боруссия Д”га қарши баҳс олиб борса, Кубок финалида уларни “Лион” кутиб турибди.
Қайд этиб ўтиш жоиз, шу вақтга қадар бирорта француз клуби квадруплни амалга оширмаган. “ПСЖ” Томас Тухель бошчилигида 2019/2020 йилда бунга яқин келган (Лига 1, Франция Кубоги, Франция лига Кубоги), бироқ Чемпионлар Лигаси финалида “Бавария”га имкониятни бой бериб қўйганди.
Изоҳ (0)