Италия Ички ишлар вазирлиги Болоньядаги масжидда фаолият юритган, келиб чиқиши покистонлик имом Зулфиқор Хонни мамлакатдан чиқариб юборишга қарор қилди. Бу ҳақда Corriere della Sera хабар берди.
Маҳаллий нашрнинг ёзишича, имом “радикал исломий позициялар”ни, шунингдек, ҲАМАС ҳаракатини қўллаб-қувватлаган. Италия ички ишлар вазирлиги у террорчилик тенденцияларининг тарқалишига ҳисса қўшган бўлиши мумкинлигини айтмоқда.
Имом 2023 йилда “ўсиб бораётган мафкуравий ақидапарастликни кўрсатиб, радикал исломга мурожаат қила бошлаганида” расмийлар эътиборини тортган, дейилади хабарда.
2023 йил ноябрида у хорижий давлатларни сионизмни қўллаб-қувватлашда айблаган. Шу билан бирга, имом фақатгина диний раҳбар сифатида Фаластин-Исроил можароси ҳақидаги шахсий фикрини билдирганини айтмоқда.
Изоҳ (0)