Исроил армияси 14 октябрь куни фаластинлик қочқинлар бошпана сифатида фойдаланаётган Ал-Ақсо касалхонасига ҳужум қилди. Тўрт киши ҳалок бўлди, 40 киши жароҳатланди. Бу ҳақда Al Arabiya хабар берди.
-IVcQFVFW.jpg)
Яҳудий ҳарбийлари, далил келтирмасдан, тинч аҳоли орасида яширинган жангчиларни нишонга олганини айтди. Сўнгги ойларда улар гавжум бошпаналар ва чодирларга бир неча бор зарба бериб, ҲАМАС жангчилари улардан ҳужумларни уюштириш учун фойдаланганини даъво қилган.
Ал-Ақсо касалхонаси аллақачон яқин атрофдаги бошпанага айлантирилган мактабга қилинган ҳужум оқибатида яраланган одамларни даволашга қийналаётганди. Мактабга ҳужумда камида 20 киши ҳалок бўлганди. Айни пайтда, эрта тонгда касалхонага ҳужум оқибатида кўплаб чодирлар ёниб кетган. 25 киши оғир куйиш жароҳати билан Ғазо жанубидаги Нассер шифохонасига кўчирилган.
Изоҳ (0)