Исроил армиясининг Ғазо секторидаги масжидга ҳаво ҳужуми уюштириши оқибатида 21 киши ҳалок бўлди. Бу ҳақда BBC хабар берди.
Исроил мудофаа кучлари Дайр ал-Балаҳ ҳудудидаги масжидга ҳужумни тасдиқлаган. Улар бу масжидда ҲАМАС қўмондонлик-назорат пости фаолият юритганини даъво қилган. Армия объектга “аниқ зарба” берилганини билдирган.
Авиаҳужум Зувайдадаги Ибн Рушд мактабига қилинган ҳужум билан бир вақтда содир бўлган. Бу мактабда ҳам қочқинлар бошпана топган. Аммо Исроил у ерда ҲАМАС жангчилари бўлганини таъкидлаган.
Al-Mayadeen телеканалига кўра, сўнгги бир неча соат ичида Исроил Ғазо шимолига 60 дан ортиқ ҳаво ҳужуми уюштирган, оқибатда 30 киши ҳалок бўлган, 150 га яқин киши жароҳатланган ёки бедарак йўқолган. Исроилнинг Ғазо секторига ҳужуми оқибатида умумий қурбонлар сони 41 870 кишидан ошган.
Изоҳ (0)