Наманган шаҳрида ўзбошимчалик билан 318,6 млн сўмлик табиий газдан ноқонуний фойдаланган 2 та нонвойхона аниқланди. Бу ҳақда “Ўзэнергоинспекция” матбуот хизмати хабар берди.
Маълум қилинишича, фуқаро Ж.М. ва А.Й. ларга қарашли новвойхоналарнинг газ қурилмалари тармоққа ўзбошимчалик билан уланиб, табиий газдан ноқонуний фойдаланган.
Ушбу қоидабузарликлар натижасида давлат манфаатларига 318,6 млн сўмлик (122,5 минг метр куб табиий газ) зарар етказилган.
Мазкур ҳолатлар юзасидан тегишли ҳужжатлар расмийлаштирилиб, ҳуқуқни муҳофаза қилувчи органларга юборилди.
Жиззахда қарийб 700 млн сўмлик газдан ноқонуний фойдаланган новвойхона аниқланган эди.
Изоҳ (0)