Тошкент шаҳрининг икки тумани: Сергели ва Янгиҳаёт туманида 31 март куни табиий газ таъминоти вақтинча тўхтатилади. Бу ҳақда “Ҳудудгаз Пойтахт” газ таъминоти филиали ахборот хизмати хабар берди.
Хабарга кўра, Сергели тумани “Юқори дархон” МФЙ, Наврўз кўчасида жойлашган д-159 ммли ўрта босим газ қувурига, газ ҳисоблагич ўрнатиш ишлари “Ҳудудгаз Пойтахт” ГТФнинг “Сергелитумангаз” ва “Янгиҳаёттумангаз” газ таъминоти бўлимлари томонидан амалга ошириш режалаштирилган. Шу туфайли 31 март куни соат 11:00 дан 18:00 га қадар қуйидаги истеъмолчиларда газ таъминоти вақтинчалик тўхтатилади. Шундан Сергели тумани аҳоли истеъмолчилари: Наврўз, Ёрқин ҳаёт кўчаларидаги жами 528 та уй хўжаликларида, улгуржи истеъмолчилари:
- Мактаб – 1 та;
- ММТ – 1 та;
- Нонвойхона – 4 та;
- Маиший ишлаб чиқариш корхонаси – 5 та.
Янгиҳаёт тумани аҳоли ва улгуржи истеъмолчилари: Наврўз, Паст дархон кўчаларидаги жами 250 та уй хўжаликларида ҳамда 7 та улгуржи истеъмолчиларида газ таъминоти тўхтатилади.
Қайд этилишича, таъмирлаш ишлари якунлангач, табиий газ таъминоти қайта тикланади. Етказилаётган ноқулайликлар учун “Ҳудудгаз Пойтахт” газ таъминоти филиали истеъмолчилардан узр сўраган.
Изоҳ (0)