Қашқадарё ва Тошкентда электр ва газдан ноқонуний фойдаланганлар 250 млн сўмдан зиёд зарар етказди, деб хабар бермоқда Прокуратура департаменти.
Унга кўра, Бош прокуратура ҳузуридаги департаментнинг Шаҳрисабз шаҳар бўлими ва ҳудудий ЭТК ходимлари ҳамкорлигида ўтказилган терговга қадар текширувда фуқаро Ж.Р. “Яшилдиёр” МФЙ ҳудудидаги нотурар бинода ҳеч қандай ҳужжатсиз ўрнатилган музлаткич контейнеридан тижорат мақсадида ишлатиб, жами 163 млн сўмлик электр энергиясидан ноқонуний фойдалангани аниқланган.
Шу каби, департаментнинг Юнусобод тумани бўлими томонидан ўтказилган терговга қадар текширувда “С.Р.” МЧЖ масъул шахслари Чинобод кўчасидаги нотурар биносига ўрнатилган газ ҳисоблагичга қасддан шикаст етказиб, 191 млн сўмлик табиий газдан ноқонуний фойдалангани аниқланган.
Мазкур ҳолатлар юзасидан Жиноят кодексининг 169-моддаси (ўғрилик) билан жиноят ишлари қўзғатилиб, тергов ҳаракатлари ўтказилмоқда.
Изоҳ (0)