Тошкентнинг 4 та тумани: Яшнобод, Миробод, Бектемир ва Учтепа туманларининг айрим жойларида газ таъминоти вақтинча тўхтатилади. Бу ҳақда “Ҳудудгаз Пойтахт” газ таъминоти филиали ахборот хизмати хабар берди.
Хабарга кўра, таъмирлаш ишлари сабабли эртага Яшнобод, Миробод туманларининг айрим жойларида табиий газ таъминоти вақтинчалик тўхтатилади. Сергели тумани Бешкент кўчасида жойлашган юқори босимли газ тақсимлаш пунктини таъмирлаш ишлари “Ҳудудгаз Пойтахт” газ таъминоти филиалининг ЕОGQХ томонидан амалга ошириш режалаштирилган.
Шу туфайли 10 март куни соат 10:00 дан 17:00 га қадар қуйидаги табиий газ истеъмолчиларида газ таъминоти вақтинчалик тўхтатилади. Шундан аҳоли истеъмолчилари:
- Яшнобод туманида
- 2-Толариқ ва Бунёдкор кўчаларида газ босими пасаяди;
- Фарғона ва ЎзBUM кўчаларидаги 6 та кўп қаватли уйлардаги 160 та аҳоли хонадонларида;
- Фарғона йўли кўчасидаги 20 та уй хўжалигида;
- ЎзBUM кўчаси 4 та кўп қаватли уйдаги жами 100 та аҳоли хонадонларида;
- “Assalom соҳил” мавзесидаги 4 та кўп қаватли уйдаги жами 620 та аҳоли хонадонларида;
- “Обод макон” МФЙдаги 21 та кўп қаватли уйдаги 1 100 та аҳоли хонадонида;
- “А.Яссавий”, “Бойсун”, “Маърифат”, ”Ширинобод” МФЙлари ҳудудидаги 3500 та аҳоли хонадонида газ босими пасаяди.
- Миробод тумани
- “Файзобод” ва “Оқ Уй” МФЙларидаги жами 1 300 та уй хўжаликларида.
Шунингдек, улгуржи истеъмолчилар:
- Юқорида кўрсатилган МФЙлар ҳудудидаги маиший хизмат кўрсатиш объектлари 56 та;
- Яшнобод тумани
- Баку кўчасида шиша цехи, “Жўрабек” МФЙ ҳудудидаги иссиқхона.
- Миробод тумани
- “Файзиобод” МФЙ ҳудудидаги музқаймоқ цехи, қоғоз ишлаб чиқариш цехи, “Гофра продакшн”, “Рута” оилавий корхонаси;
- Файзиобод ЙПХ биноси, Марҳабо меҳмонхонаси;
- Маиший хизмат кўрсатиш 2 та, Темир йўл омборхонаси, Божхона омборхонаси;
- “Оқ уй” МФЙ, Отчопар кўчасидаги газ қуйиш шохобчаси АГНКС, 2 дона новвойхона.
Бундан ташқари, Миробод тумани Хушнуд кўчасидаги д-108 миллиметрли юқори босим газ қувурига КИ-СТГ-650/108 русумли газ ҳисоблагич ўрнатиш ишлари “Ҳудудгаз Пойтахт” ГТФнинг “Мирободтумангаз” газ таъминоти бўлими томонидан амалга ошириш режалаштирилган. Шу сабабли 10 март куни соат 10:00 дан 17:00 га қадар қуйидаги табиий газ истеъмолчиларида газ таъминоти вақтинчалик тўхтатилади. Шундан:
- Миробод туманида “Қўйлиқ Ота” МФЙдаги жами 300 та уй хўжалигида ҳамда 10 та улгуржи истеъмолчиларда;
- Бектемир тумани “Нурафшон” МФЙдаги жами 70 та уй хўжалигида.
Шу билан биргаликда, Учтепа тумани “Фозилтепа” МФЙдаги газ босимини меъёрлаш мақсадида, Изза кўчасидаги ўрта босим газ қувурларини ҳалқалаш ва авария тиклаш ишлари “Ҳудудгаз Пойтахт” ГТФнинг “Учтепатумангаз” газ таъминоти бўлими томонидан амалга ошириш режалаштирилган. Шу туфайли 10 март куни соат 10:00 дан 15:00 га қадар туманнинг “Фозилтепа” МФЙдаги жами 220 та уй хўжалигида ҳамда ҳудуддаги 18 та улгуржи истеъмолчида табиий газ таъминоти вақтинчалик тўхтатилади.
Қайд этилишича, таъмирлаш ишлари якунлангач, табиий газ таъминоти қайта тикланади.
“Етказилаётган ноқулайликлар учун Ҳудудгаз Пойтахт газ таъминоти филиали истеъмолчилардан узр сўрайди”, дейилади хабарда.
Изоҳ (0)