Қирғизистон президенти Садир Жапаров 1 январь куни Бишкекда ўрнатилган мамлакатнинг янги байроғидан фожиа излашнинг ҳожати йўқлигини айтди. Бу ҳақда “АКИпресс” хабар берди.
![](/static/2024/01/15/photo_2024-01-15_16-28-45-T4Qr38RH.jpg)
Жапаровнинг сўзларига кўра, шаҳар ҳокимлигига ватанпарвар ҳомийлар томонидан тайёрланган янги байроқни осиш таклиф қилинган. Ҳокимлик рози бўлиб, янги байроқни осиб қўйган.
“8 январь куни янги байроқ расман кўтарилди, у Жогорку Кенеш томонидан диққат билан кўриб чиқилиб, уч ўқишда қабул қилинди, кейин Вазирлар Маҳкамасининг қарори билан тасдиқланди. Бўлди, етар, келинг, байроқни муҳокама қилишни тўхтатайлик”, — деди президент.
1 январь куни Бишкекнинг Ала-Тоо майдонида парламент қабул қилган байроқдан фарқ қиладиган байроқ кўтарилди. Кейин президент администрацияси вазирлар маҳкамаси томонидан тегишли низом тасдиқлангани ва байроқ осиб қўйилгани тушунтирилди.
Кейинчалик, 8 январь куни байроқ туширилди ва парламент томонидан қабул қилинган байроқ расмий равишда кўтарилди. Қирғизистон давлат котиби Суюнбек Касмамбетовнинг таъкидлашича, аввалроқ улар шошиб, бошқа байроқни кўтарган.