“Интер Майами” клубининг тажрибали ҳужумчилари Лионель Месси ва Луис Суарес MLS’да йилнинг энг яхши ўйинчиси бўлиш учун номзодлар рўйхатига киритилди. Ушбу рўйхатдан 34 нафар спортчи ўрин олган.
Футболчилар лигада энг яхши бўлиш учун турнирда камида 1000 дақиқа ўйнаши талаб этилади.
Месси, Суаресдан ташқари, Федерико Бернардески (“Торонто”), Роман Бурки (“Сент-Луис”), Саба Лобжанидзе (“Атланта Юнайтед”), Рики Пуч (“Лос-Анжелес Гэлакси”), Факундо Торрес (“Орландо Сити”) ва бошқа тажрибали футболчилар номзодлар қаторига киритилган.
Овоз бериш душанба куни бошланди ва 21 октябргача давом этади.
Эслатиб ўтамиз, Месси жорий мавсум лигада атиги 18 та ўйинда майдонга тушганига қарамай, бу йил 17 та гол уриб, 15 та голли узатмани амалга оширганидан сўнг совринга асосий даъвогар саналади. Суарес эса MLS’даги илк мавсумида 26 учрашувда 18 та гол урди ва 7 та голли узатмани амалга оширди.
Шунингдек, Суарес ва Уго Лорис (“Лос-Анжелес”) энг яхши янги футболчи соврини учун ҳам курашади.
Изоҳ (0)