Португалиялик футболчи Криштиану Роналду фаолияти давомида 64-ҳет-тригини қайд этди.
“Ан-Насср” ҳужумчиси Саудия Арабистони чемпионатининг 25-турида “Ат-Таи” (5:1) дарвозасига уч бора йўл топди.
Шу тариқа Криштиану “Интер Майами”да тўп сураётган Лионель Месси билан ҳет-трик қайд этиш борасидаги фарқни катталаштирди. Месси фаолияти давомида 57 та ҳет-трик қайд этган бўлса, Роналду 64 та ўйинда рақиблар дарвозасини уч мартадан ишғол қилган.
Шунингдек, Криштиану 64 та ўйиндан 29 тасида камида битта голни пенальтидан урган. Аргентиналик футболчида эса 57 та ўйиндан 12 тасида пенальтидан гол ҳам мавжуд.
Изоҳ (0)