Охирги 10 йил ичида Месси ва Роналду катта фарқ билан штатларда энг таниқли футболчилар бўлишди. Бироқ сўнгги бир йил ичида аргентиналик футболчининг Роналдуга нисбатан машҳурлиги сезиларли даражада ошди.
Бунга сабаб қилиб Мессининг ЖЧ-2022 даги ғалабаси ва “Интер Майами”га ўтишини айтиш мумкин. 2023 йил декабрь ҳолатига кўра, Лионель сўровномада 21,3% овоз тўплаган бўлса, “Ал-Наср” ҳужумчиси 6 фоизга яқин овозга эга бўлди.
Бундан ташқари 2023 йилнинг ёзидан буён “Интер Майами”да ўйнаб келаётган аргентиналик футболчи SSRS томонидан ўтказилган тадқиқотда биринчи ўринни эгаллади. Компания қарийб 30 йил давомида ўз аъзоларидан ҳар ойда ўзларининг севимли профессионал спортчиларига овоз беришни сўрайди, сўнгра натижаларни чорак бўйича гуруҳлайди.
Месси MLSга ўтишидан олдин турли даврларда атиги 7 нафар спортчи энг яхши спортчи бўлишган. Бу спортчилар: Майкл Жордан, Тайгер Вудс, Пейтон Меннинг, Коби Брайант, Стивен Карри, Леброн Жеймс ва Том Бреди.
Месси 2023 йилнинг тўртинчи чорагидаги натижаларга кўра энг машҳур спортчига айланди ва рейтингда биринчи ўринни эгаллаган биринчи футболчига айланди.
Америкача футбол юлдузи Бреди 2023 йилнинг биринчи чорагида, Жордан йилнинг иккинчи ва учинчи чоракда етакчилик қилди.
Мессининг трансферидан кейин “Интер Майами” америкаликларнинг севимли MLS футбол клубига айланди – у “Лос-Анжелес Гэлакси”ни ортда қолдирди. Жамоанинг мухлислари сони 5 баробардан зиёдга кўпайди.
Шунингдек, сўнгги сўровларга кўра, “Интер Майами” Америкада машҳур футбол клублари умумий рўйхатида 4-ўринни эгаллади. Қўшма Штатларда бу клубдан фақат “Барселона”, “Реал” ва “Манчестер Юнайтед” машҳурроқ.
Изоҳ (0)