“Inter Mayami” klubining tajribali hujumchilari Lionel Messi va Luis Suares MLS’da yilning eng yaxshi o‘yinchisi bo‘lish uchun nomzodlar ro‘yxatiga kiritildi. Ushbu ro‘yxatdan 34 nafar sportchi o‘rin olgan.
Futbolchilar ligada eng yaxshi bo‘lish uchun turnirda kamida 1000 daqiqa o‘ynashi talab etiladi.
Messi, Suaresdan tashqari, Federiko Bernardeski (“Toronto”), Roman Burki (“Sent-Luis”), Saba Lobjanidze (“Atlanta Yunayted”), Riki Puch (“Los-Anjeles Gelaksi”), Fakundo Torres (“Orlando Siti”) va boshqa tajribali futbolchilar nomzodlar qatoriga kiritilgan.
Ovoz berish dushanba kuni boshlandi va 21-oktyabrgacha davom etadi.
Eslatib o‘tamiz, Messi joriy mavsum ligada atigi 18 ta o‘yinda maydonga tushganiga qaramay, bu yil 17 ta gol urib, 15 ta golli uzatmani amalga oshirganidan so‘ng sovringa asosiy da’vogar sanaladi. Suares esa MLS’dagi ilk mavsumida 26 uchrashuvda 18 ta gol urdi va 7 ta golli uzatmani amalga oshirdi.
Shuningdek, Suares va Ugo Loris (“Los-Anjeles”) eng yaxshi yangi futbolchi sovrini uchun ham kurashadi.
Izoh (0)